SUHAS YATHIRAJ : सुहासला सुवर्णपदकाची हुलकावणी! अंतिम सामन्यात रौप्यपदाकावर मानावे लागले समाधान

Suhas Yathiraj wins Silver Medal in Badminton at Paris Paralympics 2024 : सुहास यथिराजने पॅरिस पॅरालिम्पिक २०२४ मध्ये रौप्य पदक जिंकले आहे. पुरुष एकेरीच्या SL4 प्रकारातील अंतिम फेरीत त्याला फ्रान्सच्या लुकास माझूरविरुद्ध २१-९, २१-१३ असा पराभव पत्करावा लागल्याने रौप्यपदकावर समाधान मानावे लागले. त्यामुळे सुवर्णपदकाच्या लढतीत त्याला निराशाजनक पराभवाला सामोरे जावे लागले. या स्पर्धेतील भारताचे हे एकूण १२ वे आणि बॅडमिंटनमधील एकूण चौथे पदक आहे. सुहासला या प्रकारात पहिले मानांकन मिळाले होते, पण सुवर्णपदकाच्या लढतीत त्याला निराशाजनक पराभवाला सामोरे जावे लागले होते.

सुहासकडून इतिहासाची पुनरावृत्ती –

सुहास पहिल्या गेमपासूनच संघर्ष करताना दिसला आणि एकेकाळी पहिल्या गेममध्ये तो १०-२ ने पिछाडीवर होता. यानंतर शेवटी त्याला २१-९ ने पराभव पत्करावा लागला. दुसऱ्या गेममध्येही त्याची अवस्था तशीच होती. सामन्याच्या शेवटच्या क्षणांमध्ये त्यांनी पुनरागमन करण्याचा प्रयत्न केला, पण अखेर त्याला २१-१३ असा पराभव स्वीकारावा लागला. गेल्या वेळीही टोकियो पॅरालिम्पिकमध्ये सुहासने पुरुष एकेरी SL4 प्रकारात रौप्य पदक जिंकले होते. योगायोगाने टोकियो पॅरालिम्पिकच्या अंतिम फेरीत त्याचा पराभव करणारा खेळाडू फ्रान्सचा लुकास मजूर होता. सुहास गेल्या वेळी २१-१५, १७-२१, १५-२१ असा पराभूत झाला होता.

2024-09-02T17:42:55Z dg43tfdfdgfd