टॉसवेळी रवी शास्त्रींची मोठी चूक, सगळ्या गप्पा मारल्या पण महत्त्वाचा प्रश्नच विसरले
हैदराबादसाठी यंदाचा मोसम हा चढ-उतारांचा राहिला आहे. हैदराबादने आतापर्यंत 5 सामन्यांमध्ये 2 विजय मिळवले आहेत तर 3 सामन्यात त्यांना पराभवाचा धक्का बसला. पॉईंट्स टेबलमध्ये हैदराबाद 4 पॉईंट्ससह पाचव्या क्रमांकावर आहे. दुसरीकडे चेन्नईने सुरूवातीचे तिन्ही सामने गमावल्यानंतर दिल्ली आणि केकेआरविरुद्ध त्यांचा विजय झाला. 5 सामन्यांमध्ये 2 विजय आणि 3 पराभवांसह सीएसकेच्या खात्यात 4 पॉईंट्स आहेत. टेबलमध्ये सीएसके आठव्या क्रमांकावर आहे. या सामन्यात विजय झाला तर हैदराबाद पॉईंट्स टेबलमध्ये चौथ्या क्रमांकावर जाईल. तर चेन्नईने हा सामना जिंकला तर ते जास्तीत जास्त सातव्या क्रमांकापर्यंत पोहोचू शकतात. या सामन्यात चेन्नईचा कर्णधार ऋतुराज गायकवाड याने टॉस जिंकून पहिले बॉलिंगचा निर्णय घेतला आहे. खेळपट्टीमध्ये फार फरक पडणार नाही, पण त्यांना आम्ही फार रन करू देणार नाही, असं ऋतुराज म्हणाला आहे. टॉस पडल्यानंतर कॉमेंटेटर रवी शास्त्रींकडून मोठी चूक झाली. रवी शास्त्री यांनी ऋतुराज गायकवाडला सीएसकेच्या प्लेइंग इलेव्हनबद्दल विचारलंच नाही. टॉस जिंकला असता तर आम्ही बॅटिंगच घेणार होतो, कारण आमची बॅटिंग मजबूत आहे. मोठा स्कोअर करण्यासाठी आम्ही मैदानात उतरू, असं इशान किशन म्हणाला आहे. हैदराबादने या सामन्यात एक बदल केला आहे, हर्ष दुबेऐवजी दिलशान मधुशंकाला संधी देण्यात आली आहे. हैदराबादची प्लेइंग इलेव्हन : अभिषेक शर्मा, ट्रेव्हिस हेड, इशान किशन, हेनरिक क्लासेन, सलिल अरोरा, अनिकेत वर्मा, नितीश कुमार रेड्डी, शिवांग कुमार, प्रफुल हिंगे, साकिब हुसैन, इशान मलिंगा सीएसकेची प्लेइंग इलेव्हन : संजू सॅमसन, ऋतुराज गायकवाड, सरफराज खान, डेवाल्ड ब्रेविस, जेमी ओव्हरटन, मॅथ्यू शॉर्ट, अंशुल कंबोज, नूर अहमद, मुकेश चौधरी, गुरजपनीत सिंग
2026-04-18T14:00:42Z