VIRAT KOHLI : किंग संपला! 'हे' 6 युवा खेळाडू विराट कोहलीला करू शकतात रिप्लेस?

Virat Kohli Replacement : बॉर्डर गावस्कर मालिकेत टीम इंडियाने पराभव स्विकारत क्रिकेट फॅन्सची मोठी निराशा केली. या मालिकेत भारताचं टॉप ऑर्डर चांगलच अपयशी ठरलं. याच कारणामुळे टीम इंडियाचा पराभव झाला. हा पराभव सिलेक्टर्सच्या प्रचंड जिव्हारी लागला आहे. त्यामुळे आता सिलेक्टर्सनी संघात बदलाचे संकेत दिले आहेत. त्यामुळे रोहित शर्मा आणि विराट कोहलीचा पत्ता कट होणार असल्याची चर्चा सूरू आहे. त्यात जर विराट कोहलीला बाहेर बसवले तर त्याच्या जागी कोणत्या खेळाडूंची संघात संधी दिली जाऊ शकते. हे जाणून घेऊयात.

मीडिया रिपोर्ट्सनुसार, कोहलीला इंग्लंड दौऱ्यातून बाहेर ठेवले जाऊ शकते. त्यांच्या निवृत्तीच्या बातम्याही वेगाने पसरत आहेत.याला कारण आहे कोहलीचा फॉर्म. ऑस्ट्रेलिया मालिकेत त्याची बॅट चालली नाही. पाच सामन्यांच्या नऊ डावांमध्ये त्याच्या बॅटमधून फक्त 190 धावाच करता आल्या, ज्यामध्ये पर्थ कसोटी सामन्याच्या दुसऱ्या डावात झळकावलेल्या शतकाचाही समावेश आहे.

विराट कोहली गेल्या काही वर्षांपासून धावांसाठी झगडत आहे. ज्याप्रकारे तो ओळखला जात होता त्याप्रमाणे त्याला धावा करता येत नाहीत. अशा स्थितीत त्याच्या जागेवर मोठे प्रश्नचिन्ह निर्माण झाले आहे. यासोबतच कोहलीने कसोटी संघ सोडला तर त्याची जागा कोण घेणार, असाही प्रश्न उपस्थित होत आहे. त्यामुळे खाली दिलेले हे खेळाडू आहेत, जे कोहलीची जागा कसोटी संघात घेऊ शकतात.

सरफराज खान : कोहलीच्या जागी खेळाडूंमध्ये सर्वात मोठा दावेदार सर्फराज खान आहे. टीम इंडियात येऊन देशांतर्गत क्रिकेटमध्ये धावा करणाऱ्या सरफराज खानने कसोटी संघातही पदार्पण केले असून त्याचा प्रभावही सोडला आहे. गेल्या वर्षी भारत दौऱ्यावर कसोटी मालिका खेळण्यासाठी आलेल्या इंग्लंड संघाविरुद्ध सरफराजने पदार्पण केले होते. या मालिकेत त्याने छाप पाडली. सर्फराजने आतापर्यंत भारताकडून खेळलेल्या सहा सामन्यांमध्ये 371 धावा केल्या आहेत ज्यात एक शतक आणि तीन अर्धशतकांचा समावेश आहे.

श्रेयस अय्यर : कोहलीची जागा घेण्याच्या दावेदारांमध्ये आणखी एक मोठे नाव म्हणजे श्रेयस अय्यर. अलीकडे अय्यरने देशांतर्गत क्रिकेटमध्ये बरीच प्रगती केली आहे. दुलीप ट्रॉफीपासून रणजी ट्रॉफीपर्यंत अय्यरची बॅट खूप यशस्वी ठरली आहे. त्याने भारतासाठी कसोटीही खेळली आहे आणि त्याच्या पहिल्याच कसोटी सामन्यात न्यूझीलंडविरुद्ध शतक झळकावले आहे. मात्र, त्याला पुन्हा संघातून वगळण्यात आले, पण कोहलीच्या पर्यायांबद्दल बोलायचे झाल्यास अय्यरचे नाव आघाडीवर असेल.

रजत पाटीदार : इंग्लंडविरुद्धच्या मालिकेत सरफराजच्या आधी रजत पाटीदारला संधी देण्यात आली होती. विराट या मालिकेत नव्हता. मात्र, पाटीदारला संधीचा फायदा उठवता आला नाही. यानंतर पाटीदारने दमदार कामगिरी दाखवत देशांतर्गत क्रिकेटमध्ये पुनरागमनाचा दावा केला असून कोहलीच्या जागी आता पाटीदारच्या नावाचीही चर्चा होऊ शकते.

देवदत्त पडिक्कल : कर्नाटकचा फलंदाज देवदत्त पडिक्कल याला पर्थ कसोटी सामन्यात क्रमांक-३ वर संधी मिळाली. त्याने आपल्या छोट्या खेळीत खूप प्रभावित केले आणि चांगल्या भविष्याची आशा दिली. पडिक्कलमध्ये कोणत्याही क्रमांकावर फलंदाजी करण्याची क्षमता आहे. त्याने इंग्लंडविरुद्ध चौथ्या क्रमांकावर फलंदाजी केली आणि हा त्याचा पहिला कसोटी सामना होता. या सामन्यात त्याने 65 धावांची खेळी केली. पडिक्कलच्या आगमनाने संघाकडे डावखुरा फलंदाजाचा दुसरा पर्याय असेल.

बी साई सुदर्शन : तामिळनाडूचा साई सुदर्शन हे आणखी एक नाव आहे जो देशांतर्गत क्रिकेटमध्ये खूप धावा करतो. सुदर्शनमध्ये किती प्रतिभा आहे हे सर्वांनी पाहिले आहे. त्याने आयपीएलमध्येही आपले कौशल्य दाखवले आहे आणि भारतीय एकदिवसीय संघाकडून खेळतानाही त्याच्या बॅटने काम केले आहे. सुदर्शन भारत-अ संघाकडून सतत खेळत असून तो खूप धावाही करत आहे. 2022-23 च्या रणजी हंगामात त्याने आपल्या बॅटने 572 धावा केल्या आणि तेव्हापासून तो थांबला नाही. या डावखुऱ्या फलंदाजाचे तंत्रही मजबूत आहे आणि त्यामुळेच तो कसोटी संघात स्थान मिळवण्याचा दावेदार आहे.

2025-01-08T03:51:27Z