HARSHIT RANA: ... म्हणून हर्षितवर लागली होती बंदी, पण त्यानेच बजावली फायनलला कोलकात्तासाठी महत्त्वाची कामगिरी

मुंबई: कोलकाता नाईट रायडर्सने इंडियन प्रीमियर लीग (आयपीएल)च्या १७व्या हंगामाचे विजेतेपद पटकावले. एमए चिदंबरम स्टेडियम चेन्नई येथे २६ मे रोजी खेळल्या गेलेल्या अंतिम सामन्यात कोलकाता नाईट रायडर्सने सनरायझर्स हैदराबादचा आठ गडी राखून पराभव केला. कोलकात्ताला हे तिसरे विजेतेपद पटकवायला तब्बल दहा वर्ष वाट पहावी लागली.

हर्षित राणाची दमदार कामगिरी

कोलकाताच्या विजयात उजव्या हाताचा वेगवान गोलंदाज हर्षित राणाने महत्त्वाची भूमिका बजावली. हर्षितने अंतिम सामन्यात नितीश कुमार रेड्डी आणि हेनरिक क्लासेन यांची विकेट घेतली. क्लासेनची विकेट कोलकात्तासाठी महत्त्वाची ठरली.

हर्षित राणाच्या कृत्याची चर्चा

हर्षित राणा या हंगामात सुरुवातीपासूनच त्याच्या कृत्यामुळे चर्चेत राहीला. २३ मार्च रोजी हर्षितने सनरायझर्स हैदराबादविरुद्धच्या सामन्यात मयंक अग्रवालला बाद केल्यानंतर त्याला फ्लाइंग किस दिला, त्याच्या या कृत्यानंतर त्याच्या मॅच फीमधून ६० टक्के रक्कम कापण्यात आली. इतकं होऊनसुद्धा परत हर्षितने तीच चूक यानंतर हर्षितने दिल्ली कॅपिटल्सविरुद्धच्या सामन्यात केली. २९ एप्रिल रोजी दिल्ली कॅपिटल्सविरुद्धच्या सामन्यात त्याने पुन्हा एकदा असंच कृत्य केल्याने त्याला एका सामन्यात न खेळण्याची बंदी घालण्यात आली आणि त्याच्या मॅच फीमधून १०० टक्के रक्कम कापण्यात आली.

हर्षित राणाचा जन्म दिल्लीत झाला असून तो फक्त दिल्लीसाठी देशांतर्गत क्रिकेट खेळतो. हर्षितने आतापर्यंत सात प्रथम श्रेणी, १४ लिस्ट-ए आणि २५ टी-२० सामने खेळले आहेत. प्रथम श्रेणी सामन्यांमध्ये हर्षितने २६.३५ च्या सरासरीने २८ विकेट्स घेतल्या आहेत. हर्षितने प्रथम श्रेणी क्रिकेटमध्ये ३४३ धावा केल्या आहेत ज्यात एक शतक आणि एक अर्धशतक आहे.

लिस्ट-ए सामन्यांमध्ये हर्षित राणाच्या नावावर २३.४५ च्या सरासरीने २२ विकेट आहेत. टी-२० सामन्यांमध्ये हर्षितने २३.६४ च्या सरासरीने २८ विकेट घेतल्या आहेत. आयपीएल २०२४ मध्ये हर्षितने १३ सामने खेळून १९ विकेट घेतल्या होत्या. या हंगामात कोलकात्ताकडून सर्वाधिक विकेट्स घेण्याच्या बाबतीत हर्षित दुसऱ्या स्थानावर आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-27T09:06:44Z dg43tfdfdgfd