ICC: टीम इंडियासाठी गुड न्यूज; T20वर्ल्ड कपच्या'टीम ऑफ द टूर्नामेंट'च्या यादीत सहा भारतीयांचा समावेश

मुंबई: टी-२० वर्ल्ड कप २०२४च्या विजेतेपदावर भारताने आपले नाव कोरले. टी-२० वर्ल्ड कपची ट्रॉफी अखेर भारताकडे तब्बल १७ वर्षानंतर पुन्हा आली. वर्ल्ड कप संपताच आंतरराष्ट्रीय क्रिकेट परिषदेने (आयसीसी)ने टीम इंडियाला अजून एक गुड न्यूज दिली आहे. आयसीसीने नुकतीच २०२४च्या टी-२० वर्ल्ड कपसाठी 'टीम ऑफ द टुर्नामेंटची' घोषणा केली आहे. या टीममध्ये वर्ल्ड कप विजेती टीम इंडियाचे सहा खेळाडूंचा समावेश आहे.

भारतीय संघाचा कर्णधार रोहित शर्माला आयसीसीने निवडलेल्या 'टीम ऑफ द टूर्नामेंट' मध्ये स्थान मिळाले आहे. रोहितने टी-२० वर्ल्ड कप २०२४मध्ये १५६च्या स्ट्राईक रेटने एकूण २५७ धावा केल्या होत्या आणि रोहितच्या चमकदार कामगिरीमुळे भारताला टी-२० वर्ल्ड कपच्या तिसऱ्या अंतिम फेरीत पोहोचणे सोपे झाले. रोहित सोबतच अफगाणिस्तानचा सलामीवीर रहमतउल्लाह गुरबाजचा आयसीसीच्या ११ खेळाडूंच्या यादीत समावेश करण्यात आला आहे.

ICC Team Of The Tournament:

Rohit, Gurbaz, Pooran, Surya, Stoinis, Hardik, Axar, Rashid, Bumrah, Arshdeep and Farooqi. pic.twitter.com/mtpcpJ1PGR

— Mufaddal Vohra (@mufaddal_vohra) June 30, 2024 ]]>

गुरबाजने या वर्ल्ड कपमध्ये दमदार कामगिरी करत २८१ धावा केल्या आहेत. अफगाणिस्तानला सेमी फेरी गाठण्यात मदत करण्यासाठी इब्राहिम झद्रानसोबतची गुरबाझची भागीदारी महत्त्वपूर्ण ठरली. आयसीसीच्या ११ खेळाडूंच्या यादीत वेस्ट इंडिजचा खेळाडू निकोलस पूरन आणि ऑस्ट्रेलियाचा अष्टपैलू खेळाडू मार्कस स्टॉइनिस यांची मधल्या फळीत निवड करण्यात आली.

आयसीसीने या टीम ऑफ द टूर्नामेंटमध्ये भारताच्या सूर्यकुमार यादवलाही स्थान दिले. फायनल सामन्यात सुर्याने फलंदाजीत विशेष काही विशेष पराक्रम केला नसला तरी अप्रतिम झेल घेत सामन्याचे चित्र फिरवले. अमेरिका, अफगाणिस्तान आणि इंग्लंडविरुद्धच्या सामन्यात सूर्याने चांगली खेळी केली. भारताचे हार्दिक आणि अक्षर पटेल या दोन अष्टपैलू खेळाडू तर भारतीय गोलंदाज जसप्रीत बुमराह, अर्शदीप सिंह यांना टीम ऑफ द टूर्नामेंटमध्ये स्थान मिळाले. अफगाणिस्तानचा कर्णधार राशिद खानने या संघात स्थान मिळवले आहे. दक्षिण आफ्रिकेसाठी या स्पर्धेत चेंडूसह चमकदार कामगिरी करणाऱ्या एनरिक नोरखियाला १२ वा खेळाडू म्हणून ठेवण्यात आले आहे. नॉर्खियाने श्रीलंकेविरु७ धावा देऊन ४ विकेट्स काढून स्पर्धेची दमदार सुरुवात केली.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-01T09:04:58Z dg43tfdfdgfd