RAVI SHASTRI: रोहित व विराटमुळे नाही तर या खेळाडूमुळे भारताची ओळख आहे, रवी शास्त्रींनी घेतलं मॅचविनरचं नाव

नवी दिल्ली : भारताने वर्ल्ड कप जिंकला. १७ वर्षांचा दुष्काळ संपवला. त्यानंतर रवी शास्त्री यांचे एक मोठे वक्तव्य चर्चेत आले आहे. कारण त्यांनी भारतीय संघाची ओळक ही कोणत्या मॅचविनर खेळाडूमुळे निर्माण झाली आहे, असं सांगत असताना विराट कोहली किंवा रोहित शर्मा यांचे नाव घेतलेले नाही.

भारताने २००७ साली टी २० वर्ल्ड कप जिंकला होता. त्यानंतर गेली १७ वर्षे भारताला एकदाही वर्ल्ड कप जिंकता आला नव्हता. पण अखेर रोहित शर्माच्या नेतृत्वाखाली भारताने १७ वर्षांचा दुष्काळ संपवला. यापूर्वी रोहित शर्मा आणि विराट कोहली यांच्यामुळे भारतीय संघ ओळखला जायचा. सर्वात महत्वाची गोष्ट म्हणजे फलंदाज म्हणजेच भारतीय संघ, असे एक समीकरण होते. पण ते समीकरण आता मोडीत निघाल्याचे रवी शास्त्री यांना वाटते.

रवी शास्त्री म्हणाले होते की, " भारतीय संघातील वेगवान गोलंदाजांनी यापूर्वी कधीही क्रिकेटच्या तिन्ही प्रकारांत दबदबा निर्माण केला नव्हता. आता भारतीय संघ वर्ल्ड चॅम्पियन आहे, क्रिकेटच्या सर्व प्रकारांत ते अव्वल आहेत. पण त्यमध्ये एक गोष्ट सर्वात महत्वाची आहे आणि ती म्हणजे वेगवान गोलंदाजी. जसप्रीत बुमराह भारतीय संघात आल्यावरच भारताच्या वेगवान गोलंदाजीचा दबदबा पाहायला मिळाला. कसोटी क्रिकेट आणि वनडे व टी २० क्रिकेट या तिन्ही प्रकारांत अव्वल गोलंदाजी करणारा बुमराह हा भारताला पहिला गोलंदाज असेल." रवी शास्त्री यांनी बुमराहचा एक किस्साही यावेळी सांगितला.

शास्त्री म्हणाले की, " भारताचा संघ जेव्हा २०१९ साली भारताच्या दौऱ्यावर गेला होता, तेव्हा बुमराहला सर्वात मोठी शाबासकी मिळाली होती. त्यावेळी बुमराहच्या भेदक गोलंदाजीच्या जोरावर भराताने अडीच दिवसातं सामना जिंकला होता. हा सामना वेस्ट इंडिजचे महान गोलंदाज अँडी रॉबर्ट्स आणि कर्टली अॅम्ब्रोझ होते. त्यावेळी अँटी हे बुमराहच्या जवळ गेले आणि म्हणाले, तु आमच्या काळात नवीन चेंडूने गोलंदाजी करायला हवी होती." बुमराहसाठी ही मोठी शाबासकी होती. कारण अँडी यांन एकेकाळी क्रिकेट विश्वावर राज्य केले होते.

बुमराहने टी २० वर्ल्ड कप चांगलाच गाजवला. कारण या वर्ल्ड कपच्या प्रत्येक सामन्यात तो भारताच्या मदतीला धावून आला. त्याने कधीही निराशा केली नाही. त्यामुळेच त्याला वर्ल्ड कपमधील मानाचा सर्वोत्तम खेळाडूचा पुरस्कार यावेळी देण्यात आल्याचे सर्वांनाच पाहायला मिळाले.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-02T14:09:44Z dg43tfdfdgfd