ROHIT SHARMA ON VIRAT KOHLI: विराटबद्दल बोलताना रोहित शर्माने एका वाक्यात जिंकली सर्वांची मनं, सर्व वाद राहीले एका बाजूला...

बार्बाडोस : रोहित शर्मा आणि विराट कोहली यांच्यामधूव विस्तवही जात नाही, असे म्हटले जात होता. रोहित आणि विराट यांच्यात मोठा वाद आहे आणि दोधे एकमेकांशी बोलत नाहीत, असेही म्हटले गेले. पण हे वाद, भाडणं सर्व एका बाजूला पडतील, असं रोहित विराटबाबत विश्व चषक विजयानंतर बोलला आहे. रोहितने विराटबाबत एकच वाक्य म्हटलं आणि सर्वांची मनं जिंकली.

विराट कोहली हा या वर्ल्ड कपमध्ये चांगल्या फॉर्मात नव्हता. त्यामुळे आता विराटला अंतिम सामन्यात संधी मिळणार की नाही, याबाबत साशंकता होती. रोहितबरोबर त्याचं वैर असल्यामुळे त्याला अंतिम सामन्यात संधी देणार नाही, असेही म्हटले जात होते. पण रोहितने मोठे मन दाखवले आणि कोहलीचा मान ठेवत त्याला अंतिम फेरीत खेळण्याची संधी दिली. त्यामुळेच रोहितचा हा निर्णय योग्य ठरला. त्यामुळे जेव्हा सामना संपला तेव्हा मात्र रोहिक कोहलीबाबत बोलताना भावूक झाला होता.

रोहित कोहलीबाबत म्हणाला की, " विराट कोहलीबाबत माझ्या मनात कोणताही संशय नव्हता. कारण विराट कोहली हा गेल्या १५ वर्षांडपासून भारतासाठी खेळत आहे आणि त्याने संघाला विजय मिळवून दिले आहे. त्यामुळे तो अंतिम सामन्यात चांगला खेळ करेल, असा मला विश्वास होता. विराटबाबत एक गोष्ट सांगायची झाली तर, विराटसारखे मोठे खेळाडू हे महत्वाच्या क्षणी संघाच्या मागे ठामपणे उभे राहतात आणि ही गोष्ट कोहलीने करून दाखवली. कारण अंतिम सामन्यासाठी जेव्हा आम्ही मैदानात उतरलो तेव्हा खेळपट्टी ही फलंदाजीसाठी चांगली नव्हती. त्यामुळे विराट कोहलीची ही खेळी खास आहे,असं मला वाटतं. विराटने भारताच्या धावसंख्येला चांगला आकार दिला आणि ही गोष्ट विजयाची एक कारण ठरली."

रोहितने यावेळी विराटसारखा मोठा खेळाडू महत्वाच्या वेळी संघासाठी उभे राहतात हे सांगितले आणि त्याचवेळी त्याने सर्वांची मनं जिंकली. कारण कोहलीबद्दल रोहित आतापर्यंत एवढं चांगलं बोललं नव्हतं. पण रोहितने मात्र सामना संपल्यावर कोहलीवर कौतुकाचा वर्षाव केला.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-06-29T20:28:51Z dg43tfdfdgfd