T20 WORLD CUP : भारतीय संघातून हार्दिक गायब, रोहितसह पहिला गट टी-२० वर्ल्डकपसाठी रवाना

मुंबई : भारतीय टी-२० संघाचा उपकर्णधार हार्दिक पंड्या याच्या जीवनातील अडचणी वाढतानाच दिसत आहे. या अष्टपैलू खेळाडूच्या आयपीएल २०२४ च्या हंगामात कर्णधारच्या रूपात आगमन झाले. पण या मोसामात संघाला प्लेऑफपर्यंतही पोहचता आले नाही. आता त्याला भारतीय टी-२० संघाचा उपकर्णधार म्हणून नियुक्त केले. आता हा अनुभवी खेळाडू टी-२० विश्वचषकाच्या मोहिमेची तयारी करत आहे. मात्र मोहिमेसाठी रवाना झालेल्या खेळाडूंच्या पहिल्या तुकडीत तो दिसलाच नाही. भारतीय खेळाडूंबरोबर तो न दिसल्यामुळे याचा संदर्भ त्याच्या वयक्तिक आयुष्याशी तर नाही ना ? असा प्रश्न उभा राहिला आहे.

हंगामच्या सुरवातीलाच रोहित शर्माच्या जागी मुंबई इंडियन्सचे कर्णधारपद हार्दिकने स्वीकारल्यानंतर त्याला चाहत्यांच्या संतापाला सामोरे जावे लागले होते. तर मैदानावरही त्याची कामगिरी अपेक्षेपेक्षा कमीच राहिल्यामुळे, आयपीएयलचा १७ वा हंगाम हार्दिकसाठी चांगला राहिलेला नाही. हार्दिकच्या कामात मोठे वादळ चालू असतानाच सोशल मिडियावर त्याच्या आणि पत्नी नताशा याच्यांत घोटस्फोटाच्या चर्चांना उधाण आले आहे. नताशाने इंस्टावर नताशा स्टेनकोव्हिक पांड्या असे नाव लिहले होते, मात्र आता तिने आडनाव हटवले आहे. तसेच नताशा हिने इंस्टाग्रामवरचे दोघांचे एकत्र असलेले फोटोही हटवण्यात आल्याची चर्चा होती. मात्र ही अफवा खोटी असल्याचे समजते.

कर्णधार रोहितच्या नेतृत्वाखाली भारतीय क्रिकेटपटू टी-२० च्या स्पर्धेसाठी अमेरिका आणि वेस्ट इंडिजला जाण्यासाठी विमानतळावर दिसले. यात रोहित शर्मा, शिवम दुबे, रवींद्र जडेजा, कुलदीप यादव आणि ऋषभ पंत तर होतेच पण त्यांच बरोबर बीसीसीआयने सोशल मीडियावर शेअर केलेल्या फोटोद्वारे अक्षर पटेल, सूर्यकुमार यादव, अर्शदीप सिंग आणि मोहम्मद सिराज यांचा ही यात समावेश असल्याचे दिसले. पण या सगळ्यात संघाचा उपकर्णधार हार्दिक कुठेच दिसला नाही. शनिवारी सकाळी आयपीएल २०२४ च्या प्लेऑफमधून बाहेर पडलेल्या खेळाडूंची पहिली बॅच पाठवण्याचा निर्णय घेण्यात आला होता. पण हार्दिक आता आयपीएलमध्ये नाही, दुसरीकडे तो भारतीय खेळाडूंबरोबरही दिसलेला नाही. त्यामुळे हार्दिक नेमका आहे तरी कुठे, हा प्रश्न आता सर्वांनाच पडलेला आहे.

भारताचे उर्वरित खेळाडू आयपीएल फायनलनंतर टी-२० वर्ल्ड कपसाठी रवाना होतील. याप्रमाणे हार्दिक हा पहिल्या गटाचा भाग असल्यामुळे त्याची उपस्थिती न दिसल्याने त्याच्या वैयक्तिक आयुष्यातील अफवांशी काही संबंध आहे का, असा प्रश्न सोशल मीडियावर चाहत्यांना पडला आहे. पण आता या दुसऱ्या गटाबरोबर तरी हार्दिक वर्ल्ड कपसाठी रवाना होणार का, याची उत्सुकता सर्वांना असणार आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-26T12:03:22Z dg43tfdfdgfd