जसप्रीत बुमरा भडकला आणि इंग्लंडच्या खेळाडूला मैदानाबाहेरच जावे लागले, पाहा खास व्हिडिओ...

हैदराबाद : जसप्रीत बुमराला जगातील अव्वल गोलंदाज म्हटले जाते. पण ते का म्हटले जाते हे आजच्या तिसऱ्या दिवसाच्या खेळात बुमराने दाखवून दिले. बुमरा यावेळी मैदानात चांगलाच भडकला होता. पण त्याने आपला राग असा काढला की इंग्लंडच्या फलंदाजाला थेट मैदानाबाहेर जावे लागले. या गोष्टीचा व्हिडिओ सध्याच्या घडीला चांगलाच व्हायरल झाला आहे.

इंग्लंडच्या संघाने दुसऱ्या डावात चांगली सुरुवात केली. यावेळी इंग्लंडचा सलामीवीर बेन डकेट हा भन्नाट फॉर्मात होता आणि तो चांगल्या धावा वसूल करत होता. त्यामुळे डकेटला बाद करण्यासाठी जसप्रीत बुमरा आतूर झाला होता. डकेटला तो आपल्या जाळ्यात फासण्यासाठी एकामागून एक प्रयत्न करत होता. कारण डकेटला बुमराची गोलंदाजी चांगल्या पद्धतीने खेळता येत नव्हता. डकेटला बाद करण्याची एक नामी संधी बुमराकडे आली होती. बुमराने १७ व्या षटकाच्या अखेरच्या चेंडूवर बकेटला पायचीत पकडले होते. त्यानंतर बुमराने जोरदार अपील केले. पण पंचांनी यावेळी बकेट बाद नसल्यचे सांगितले. त्यामुळे आता काय करायचे हा प्रश्न बुमरा आणि कर्णधार रोहित शर्मा यांच्या हातात होता. रोहित शर्मा यावेळी डीआरएस घेणार की नाही, याकडे सर्वांचे लक्ष लागलेले होते. रोहित शर्मा यावेळी यष्टीरक्षकाचा सल्ला घेतला. कारण यष्टीरक्षकाला याबाबत जास्त माहिती असते. पण यावेळी भारताचा यष्टीरक्षक के एस भरतने रोहितला डीआरएस न घेण्याचा निर्णय सांगितला. रोहितने भरतचे ऐकले आणि यावेळी भारताने डीआरएस घेतला नाही. पण त्यानंतर जेव्हा रिप्लेमध्ये पाहण्यात आले तेव्हा डकेट बाद असल्याचे दिसत होते. त्यावेळी बुमरा भडकला होता. पण बुमरा थांबला नाही. कारण त्यानंतरच्या म्हणजेच १९ व्या षटकाच्या पाचव्या चेंडूवर बुमराने डकेटला क्लीन बोल्ड केले आणि त्याला तंबूचा रस्ता दाखवला. बुमराने त्याला नाबाद दिल्याचा बदला, यावेळी असा घेतल्याचे पाहायला मिळाले.

बुमराने यावेळी अचूक आणि भेदक मारा केला. त्यामुळेच इंग्लंडच्या धावसंख्या जास्त होऊ शकली नाही.

2024-01-27T12:29:56Z dg43tfdfdgfd