नशिबाने दगा दिला; भारताची एक नव्हे दोन शतकं हुकली, शुभमन पाठोपाठ विराटचे विक्रमी शतकाची प्रतिक्षा वाढली

मुंबई: वानखेडे मैदानावर श्रीलंकेविरुद्ध वर्ल्डकप २०२३ मधील लढती भारताची रन मशिन अशी ओळख असेलल्या विराट कोहलीने वनडे क्रिकेटमधील विक्रमी ४९वे शतक फक्त १२ धावांनी हुकले. वनडेत सर्वाधिक शतक करण्याच्या दिग्गज फलंदाज सचिन तेंडुलकरच्या विक्रमाशी बरोबरी करण्याची विराटला आज संधी होती. यंदाच्या वर्ल्डकपमधील विराटचे हे दुसरे शतक हुकले आहे. याआधी न्यूझीलंडविरुद्धच्या लढतीत तो ९५ धावांवर बाद झाला होता.

श्रीलंकेने टॉस जिंकून भारताला फलंदाजी करण्याचे आमंत्रण दिले होते. पहिल्याच ओव्हरच्या दुसऱ्या चेंडूवर कर्णधार रोहित शर्मा बाद झाला. त्यानंतर शुभमन गिल आणि विराट कोहली यांनी दुसऱ्या विकेटसाठी १८९ धावांची भागिदारी केली. या दोघांनी फक्त डाव सावरला नाही तर संघाला २००च्या जवळ पोहोचवले. दोन्ही फलंदाज शतकाच्या जवळ पोहोचले होते, पण ३०व्या षटकाच्या अखेरच्या चेंडूवर शुभमन गिल ९२ धावांवर बाद झाला. त्याला दिलशान मधुशंका बाद केले. त्याने ९२ चेंडूत ११ चौकार आणि २ षटकार मारले. गिलला वर्ल्डकपमध्ये मोठी धावसंख्या करण्यात अपयश आले होते. आज तो चांगल्या फॉर्ममध्ये दिसत होता. तो शतक पूर्ण करेल असे वाटत असतानाच बाद झाला.

गिल बाद झाल्यानंतर सर्वांना प्रतिक्षा होती ती विराट कोहलीच्या ४९व्या विक्रमी शतकाची पण ३२व्या षटकात पुन्हा एकदा भारताला मोठा धक्का बसला. विराट कोहलीला दिलशान मधुशंका बाद केले. विराटने ९४ चेंडूत ११ चौकारांसह ८८ धावा केल्या.

त्याआधी विराटने ३४वी धाव घेत कॅलेंडर वर्ष २०२३ मध्ये एक हजार धावांचा टप्पा पार केला. अशी कामगिरी करण्याची ही त्याची ८वी वेळ आहे. विराटच्या आधी कॅलेंडर वर्षात सर्वाधिक ७ वेळा १ हजार धावा सचिनने केल्या होत्या. आज विराटने सचिनचा हा विक्रम देखील मागे टाकला. विराटने २०११ ते २०१४ त्यानंतर २०१७ ते २०१९ आणि आता २०२३ मध्ये एका कॅलेंडर वर्षात १ हजार धावा पूर्ण केल्या.

Read Latest Maharashtra News And Marathi News

2023-11-02T14:25:23Z dg43tfdfdgfd