रोहित शर्माने सांगितलं भारताने वर्ल्ड कप नेमका कुठे गमावला, संघाची मोठी चूक कोणती जाणून घ्या..

अहमदाबाद : भारताला वर्ल्ड कप जिंकता आला नाही. पण भारताकडून या वर्ल्ड कप फायनलमध्ये नेमकी कुठे चूक झाली आणि भारताने हा विशअवचषक नेमका कुठे गमावला, हे रोहित शर्माने सामना संपल्यावर सांगिलले.

रोहित शर्मा म्हणाला की, " वर्ल्ड फायनलचा निकाल आमच्याबातूने लागू शकला नाही. कारण आम्हाला या फायनलमध्ये लौकिकाला साजेसा खेळ करता आला नाही. आम्ही ऑस्ट्रेलियाच्या तीन विकेट्स लवकर मिळवल्या होत्या, पण त्यानंतर ट्रेव्हिस हेड आणि मार्नस लाबुशेन यांच्यात मोठी भागीदारी झाली. आम्हाला त्यावेळी विकेटची नितांत गरज होती. पण त्यावेळी हेड आणि लाबुशेन या दोघांनी दमदार फलंदाजी केली व आम्हाला विकेट्स मिळवण्यापासून लांब ठेवले. विराट कोहली आणि लोकेश राहुल जेव्हा खेळत होते, तेव्हा आमची चांगली फलंदाजी होत होती. दुसऱ्या डावात खेळताना खेळपट्टी चांगली होती, पण ही सबब पराभवानंतर मी देणार नाही. कारण आम्हाला २०-३० धावा कमी पडल्या. जर २०-३० धावा जास्त असल्या असत्या तर कदाचित हे चित्र वेगळे होऊ शकले असते. पण तसे घडले नाही. पण आमचा पराभव झाला असला ती हेड आणि लाबुशेन यांचे कौतुक करायला मी विसरणार नाही. कारण त्यांनी हा सामना फिरवला." भारताला या सामन्यात मोठी भागीदारी रचता आली नाही. भारताची चांगली भागीदारी झाली असती तर कदाचित या सामन्याचे चित्र वेगळे ठरू शकले असते, असे रोहितला सांगायचे आहे. त्यामुळे फलंदाजांमुळे हा सामना भारताच्या हातून निसटला, असे म्हटले तर ते वावगे ठरणार नाही.

भारतीय संघाला ठराविक फरकाने धक्के बसत गेले विराट कोहलीने अर्धशतक झळकावले खरे, पण त्याला त्यानंतर मोठी खेळी साकारता आली नाही. लोकेश राहुलच्याबाबतही तेच घडले. कारण त्याने ६६ धावांची खेळी साकारली असली तरी त्यामध्ये फक्त एकच चौकार होता. राहुल हा संथपणे खेळला आणि त्याचाही फटका भारताला यावेळी बसल्याचे पाहायला मिळाले.

2023-11-19T17:24:14Z dg43tfdfdgfd