शमीच्या एका चेंडूने सामना भारताच्या बाजूने फिरला, मिचेलच्या शतकानंतरही न्यूझीलंडच्या धावांना ब्रेक

धरमशाला : मोहम्मद शमीचा एक चेंडू यावेळी भारतासाठी महत्वाचा ठरला. कारण शमीच्या एका चेंडूच्या मदतीमुळे सामना भारताच्या बाजूने फिरल्याचे पाहायला मिळाले. त्यामुळे डॅरिल मिचेलने शतक झळकावले असले तरी न्यूझीलंडच्या धावाला ब्रेक लागल्याचे पाहायला मिळाले. शमीने या सामन्यात सर्वाधिक चार विकेट् मिळवल्या. त्यामुळेच न्यूझीलंडच्या संघाला २७३ धावांवर समाधान मानावे लागले. शमीने या सामन्यात डॅरिल मिचेलसह पाच विकेट्स मिळवले आणि भारतासाठी मोलाची कामगिरी बजावली. मिचेलने यावेळी ९ चौकार आणि पाच षटकारांच्या जोरावर १३० धावा केल्या. पण तरीही न्यूझीलंडला २७३ धावांवरच समाधान मानावे लागले.

रोहित शर्माने टॉस जिंकल्यावर प्रथम गोलंदाजी स्विकारली आणि गोलंदाजांनी त्याचा हा निर्णय सार्थ ठरवला. कारण मोहम्मद शमीने डेव्हॉन कॉनवेला शून्यावर बाद केले. त्यानंतर मोहम्मद शमीने सलामीवीर विल यंगला १७ धावांवर बाद केले आणि संघाला दुसरे यश मिळवून दिले. त्यामुळे न्यूझीलंडची २ बाद १९ अशी अवस्था झाली होती. पम त्यानंतर राचिन रवींद्र आणि डॅरिल मिचेल यांनी तिसऱ्या विकेटसाठी १५९ धावांची दमदार भागीदारी रचली. ही भागीदारी आता संघाला मोठी धावसंख्या उभारून देईल, असे वाटत होते. त्यावेळी कर्णधार रोहित शर्माने मोहम्मद शमीच्या हाततात चेंडू दिला आणि त्याने आपल्यावरील विश्वास सार्थ ठरवला. कारण शमीने त्यानंतर राचिन रवींद्रला बाद केले आणि भारताला मोठे यश मिळवून दिले. राचिनने यावेळी सहा चौकार आणि एका षटकाराच्या जोरावर ७५ धावांची खेळी साकारली. ही विकेट भारतासाठी महत्वाची ठरली. कारण जर ही विकेट भारताला मिळाली नसती तर त्यांनी मोठी धावसंख्या उभारली असती. पण मोक्याच्या क्षणी शमीने रवींद्रला बाद केले आणि तिथेच हा सामना भारताच्या बाजूने झुकल्याचे पाहायला मिळाले. कारण त्यानंतर भारताने न्यूझीलंडच्या एकामागून एक विकेट्स घेतल्या आणि त्यांना मोठी धावसंख्या करण्यापासून रोखले.

मोहम्मद शमीने या सामन्यात भारतीय संघात दमदार पुनरागमन केल्याचे पाहायला मिळाले. कारण शमीने या सामन्यात भारताकडून सर्वाधिक विकेट्स मिळवल्या. शमीने यावेळी संघाने आपल्यावर ठेवलेला विश्वास सार्थ ठरवला.

2023-10-22T12:37:17Z dg43tfdfdgfd