श्रेयस अय्यरबाबत मोठी बातमी, फिट असूनही संघाबाहेर का जाणार, समोर आलं आता खरं कारण...

नवी दिल्ली : श्रेयस अय्यरला दुखापत झाली आहे आणि त्यामुळे त्याला तिसऱ्या कसोटी सामन्यासाठी संघात स्थान देत येणार नाही, असे म्हटले जात होते. पण या गोष्टीमध्ये काहीही तथ्य नसल्याचे आता समोर आले आहे. कारण श्रेयस अय्यर हा पूर्णपणे फिट आहे. पण तरीही त्याला तिसऱ्या कसोटी सामन्यासाठी संघाबाहेर काढणार असल्याचे आता समोर येत आहे. पण फिट असूनही श्रेयसला संघाबाहेर का काढण्यात येणार आहे, याचे खरे कारण आता समोर आले आहे.

श्रेयस अय्यरने दुसऱ्या कसोटी सामन्यात इंग्लंडचा कर्णधार बेन स्टोक्सला धावचीत केले होते. त्यानंतर श्रेयसने जोरादार सेलिब्रेशन करत बेन स्टोक्सचा बदला घेतला होता. त्यामुळे श्रेयस आता या चपळ क्षेत्ररक्षणानंतर तिसऱ्या कसोटी सामन्यासाठी भारतीय संघात असेल, असे म्हटले जात होते. दुसऱ्या कसोटीपूर्वी भारताला रवींद्र जडेजा आणि लोकेश राहुल यांच्या रुपात दोन मोठे धक्के बसले होते. कारण या दोघांनाही पहिल्या कसोटीत दुखापती झाल्या होत्या, त्यामुळे ते संघाबाहेर गेले होते. पण आता श्रेयसला कोणतीही दुखापत नाही किंवा तो अनफिटही नाही. पण तरीही त्याला संघाबाहेर का काढण्यात येणार आहे, याचे कारण आता समोर आले आहे.

बीसीसीआयच्या अधिकाऱ्यांनी श्रेयसबाबत नेमकं काय सांगितलं पाहा... बीसीसीआयच्या अधिकाऱ्यांनी श्रेयसबाबत सांगितले की, " श्रेयस अय्यरला दुखापत झाली आहे, हे वृत्त मी फेटाळून लावतो. कारण तुम्ही दुसऱ्या कसोटीत ज्याप्रमाणे चपळाईने बेन स्टोक्सला रन आऊट केले हे तुम्ही पाहिले असेल. त्यामुळे श्रेयस अय्यरच्या फिटनेसचा मुद्दाच नाही, तो पूर्णपणे फिट आहे. पण खरं कारण म्हणजे, श्रेयसच्या बॅटमधून धावाच निघत नाहीत आणि ही खरी गोष्ट आहे. श्रेयस अय्यरकडून संघाला मोठ्या अपेक्षा होत्या. मधल्या फळीत श्रेयस चांगली खेळी साकारेल आणि संघाच्या उपयोगी पडेल, असे सर्वांना वाटले होते. पण यामध्ये तो अपयशी ठरला आहे. गेल्या चार डावांमध्ये त्याने ५० पेक्षा जास्त चेंडू खेळले आहेत. पण त्याला धावाच करता आल्या नाहीत, हे सत्य आहे आणि ते नाकारून चालणार नाही. त्यामुळे श्रेयसला संघाबाहेर फिटनेसमुळे जावे लागणार नाही तर धावा होत नसल्यामुळे त्याला संघातील स्थान गमवावे लागणार आहे."

श्रेयस अय्यरला बऱ्याच संधी कसोटी संघात देण्यात आल्या होत्या. पण या संधीचे सोने मात्र त्याला करता आलेले नाही. त्यामुळेच त्याला संघाबाहेर करण्यात येणार असल्याचे आता समोर येत आहे.

2024-02-09T13:41:29Z dg43tfdfdgfd