GAUTAM GAMBHIR INDIAN HEAD COACH : वर्ल्ड कप ते आयपीएल सर्व जिंकलं, पण गंभीरला ही एक गोष्ट कधीच करता आली नाही

नवी दिल्ली : गौतम गंभीर आता भारताचा मुख्य प्रशिक्षक बनला आहे. गंभीरने दोन वर्ल्ड कप आणि तीन आयपीएल ट्रॉफी उंचावल्या आहेत. पण गंभीरला आपल्या आयुष्यात एक गोष्ट कधीच करता आली नाही. त्यामुळे आयुष्यात गंभीरला एका गोष्टीची खंत नक्कीच असेल.

गौतम गंभीरने आपल्या कारकिर्दीत भारतासाठी दोन वर्ल्ड कप जिंकले. २००७ आणि २०११ च्या विश्वविजयात गंभीर संघाचा एक महत्वाचा भाग होता. या दोन्ही विश्वविजयाच्या अंतिम फेरीत गंभीरची कामगिरी निर्णायक ठरली होती. गंभीर जेव्हा कर्णधार होता तेव्हा त्याने केकेआरकडून खेळताना दोनदा जेतेपदं जिंकली होती. त्यानंतर केकेआरचा मार्गदर्शक झाल्यावर मात्र त्याने पुन्हा एकदा केकेआरला आयपीएलची ट्रॉफी जिंकवून दिली. हे सारे नेत्रदीपक विक्रम पाहत असताना गंभीरला एक गोष्ट मात्र कधीच विसरता येणार नाही.

गंभीरने एक खेळाडू, कर्णधार आणि मार्गदर्शक या तिन्ही पदांवर असताना नावलौकिक मिळवला. गंभीर भारताकडून ३७ टी २० सामने खेळला आहे, तर आयपीएलमध्ये त्याच्या नावावर १३७ सामने आहेत. पण गंभीरला आतापर्यंत एकदाही टी २० क्रिकेटमध्ये शतक झळकावता आलेले नाही. गंभीरने भरातासाठी टी २० वर्ल्ड कप जिंकला. केकेआरबरोबर असताना तर कर्णधार म्हणून दोन आणि मार्गदर्शक म्हणून एकदा त्याने ट्रॉफी उंचावली. पण गंभीरला टी २० क्रिकेटमध्ये शतक झळकावता आले नाही, याची सल मनात कायम असेल. सर्वात महत्वाची गोष्ट म्हणजे गंभीरला आता ही गोष्ट कधीच करता येणार नाही. कारण आता गंभीर टी २० क्रिकेट खेळत नाही. त्यामुळे गंभीर भारताचा मुख्य प्रशिक्षक झाला असली तरी आपल्याला टी २० क्रिकेटमध्ये शतक झळकावता आले नाही, ही खंत कायम असेल.

गंभीर एक खेळाडू, कर्णधार आणि मार्गदर्शक म्हणून यशस्वी ठरला आहे. पण आता मुख्य प्रशिक्षक म्हणून गंभीरची कामगिरी कशी होते, याकडे आता सर्वांचे लक्ष लागलेले असेल. कारण गंभीर यापूर्वी प्रशिक्षकाच्या भूमिकेत कधीही नव्हता. त्यामुळे एक प्रशिक्षक म्हणून गंभीर किती नावलौकिक मिळवतो, याची उत्सुकता सर्वांना असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-10T11:55:53Z dg43tfdfdgfd