RAHUL DRAVID: मनाचा मोठेपणा! २.५ कोटींचा अधिकचा बोनस घेण्यास द्रविडचा नम्र नकार; कारण वाचून नक्की कराल सलाम

मुंबई: भारतीय संघाचे माजी मुख्य प्रशिक्षक राहुल द्रविड यांच्या मार्गदर्शनाखाली टीम इंडियाने दमदार कामगिरीचे प्रदर्शन पूर्ण वर्ल्ड कपमध्ये सादर केले. द्रविड यांच्या मार्गदर्शनाखाली टीम इंडियाने तब्बल १७ वर्षानंतर ट्रॉफी उचलण्याचा मान मिळवला. द्रविड यांनी त्यांच्या खेळातून तर सगळ्यांची मन जिंकलीच होती परंतु या वर्ल्ड कपनंतर द्रविड यांनी पुन्हा एकदा चाहत्यांची मन जिंकली. द्रविड यांनी सध्या एक निर्णय घेतला असून आत त्याचे कौतुक सर्वत्र होत आहे.

भारतीय क्रिकेट नियामक मंडळ( बीसीसीअय)ने अलीकडेच टी-२० वर्ल्ड कप २०२४ चे विजेतेपद जिंकणाऱ्या भारतीय संघासाठी १२५ कोटी रुपयांची बक्षीस रक्कम जाहीर केली होती. रोहित शर्माच्या नेतृत्वाखालील भारतीय संघाने दक्षिण आफ्रिकेचा सात धावांनी पराभव करत विजेतेपद पटकावले. रोहित शर्माच्या नेतृत्वाखालील भारतीय संघाने दक्षिण आफ्रिकेचा सात धावांनी पराभव करत विजेतेपद पटकावले. बीसीसीआयने संघाला एकूण १२५ कोटी रुपयांची बक्षीस रक्कम देण्याची घोषणा केली होती. यामध्ये कोचिंग स्टाफ आणि सपोर्ट स्टाफचा समावेश आहे. संघाचे मुख्य प्रशिक्षक राहुल द्रविड यांच्या खात्यात ५ कोटी तर इतर प्रशिक्षकांना अडीच कोटी रुपये जमा होणार होते.

हिंदुस्तान टाईम्सच्या वृत्तानुसार, "द्रविडने बीसीसीआयला त्यांची बक्षीस रक्कम ५ कोटींवरून २.५ कोटी रुपये करण्याची विनंती केली, फलंदाजी, गोलंदाजी आणि क्षेत्ररक्षण प्रशिक्षकांपेक्षा जास्त पैसे नकोय, सर्व प्रशिक्षकांना समान रक्कम मिळाली पाहिजे, "असे राहुल द्रविड यांचे मत आहे.

द्रविड यांनी अशी कामगिरी याआधीही केली होती

राहुल द्रविड यांनी बोनसची रक्कम सर्व प्रशिक्षकांमध्ये समान रीतीने वाटण्याची मागणी करण्याची ही पहिलीच वेळ नाही. यापूर्वी २०१८ मध्ये, जेव्हा भारतीय संघाने अंडर-१९ वर्ल्ड कप जिंकला होता, तेव्हा राहुल द्रविड मुख्य प्रशिक्षकाची भूमिका बजावत होता. द्रविडला ५० लाख रुपये, तर सपोर्ट स्टाफला २० लाख रुपये बोनस म्हणून मिळणार होते. द्रविड यांनी तेव्हाही बोनसची रक्कम स्वीकारण्यास नकार दिला होता. सर्व प्रशिक्षकांना समान बोनस देण्याची मागणी द्रविड यांनी बीसीसीआयकडे केली होती त्यानंतर बीसीसीआयने आपला निर्णय बदलला आणि द्रविडसह सर्व प्रशिक्षकांना २५ लाख रुपयांचा बोनस दिला. एकंदरीतच खेळाडूंना बोनस म्हणून ३० लाख रुपये मिळाले.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-10T05:54:57Z dg43tfdfdgfd