अबकी बार ३०० पार, IPL 2024 मध्ये आतापर्यंत कोणते विक्रम रचले गेले पाहा एका क्लिकवर...

नवी दिल्ली : यंदाच्या आयपीएलचा हंगाम प्रचंड रंगात आला आहे. या स्पर्धेत सतत चढ-उतार पाहायला मिळाले आहेत. आयपीएल २०२४ मध्ये फलंदाजीने कमाल केली आहेच, पण गोलंदाजही काही कमी नाहीत. यावर्षी धोनीचे फटके, बुमराहने फलंदाजांना दिलेले झटके, वाऱ्यापेक्षा जास्त वेगवान चेंडू, हैदराबादचा फॉर्म हे सगळंच चाहत्यांना पाहायला मिळालं आहे.

या आयपीएलच्या मोसमात बरेच नवे विक्रम रचले गेले आहेत. पण तरीही ३०० धावांचा विक्रम कोणता संघ रचणार यावर चाहत्यांचा नजरा असतील. हैदराबादचा आक्रमक पवित्रा नवीन विक्रम रचू शकतो, असे सर्वांनाच वाटत आहे. त्यांनी आरसीबीविरूद्ध सामन्यात आयपीएलमधील २८७ धावांचे आव्हान गाठले होते. हैदराबाद आता लवकरच ३०० धावांचे लक्ष्य गाठेल असे वाटत आहे.

मुंबईच्या कर्णधाराची चर्चा ही सध्या फारच रंगली आहे. मुंबईच्या नव्या कर्णधाराच्या नेतृत्वाखाली या संघाला हवे तेवढे यश अद्याप मिळालेले नाही. खेळाडूंच्या कामगिरीचा फायदा संघाला होताना दिसत नाही, मात्र संघाचे प्रयत्न अजूनही चालू आहेत. चेन्नईचा शिवम दुबे जबदस्त धुमाकुळ घालत आहे. त्याचा दमदार फॉर्म पाहता त्याला टी-२० विश्वचषकाच्या संघातही स्थान मिळण्याची शक्यता आहे. या शर्यतीत राजस्थानकडून खेळणारा रियान परागही असेल. परागने त्याचा खेळाची प्रचिती प्रेक्षकांना करून दिली आहे.

जोस बटलरच्या नावावर यंदाच्या मोसमात सर्वाधिक दोन शतके आहेत. यंदाच्या आयपीएलमध्ये एका मोसमात सर्वाधिक शतके ठोकण्याचा विक्रम मोडला जाऊ शकतो. आतापर्यंतच्या ३९ सामन्यांत ९ शतके झळकावली गेली आहेत. मयंक यादवनेआपल्या वेगानं सर्वांना प्रभावित केलं आहे. लखनौ सुपर जायंट्सकडून खेळणाऱ्या मयंकने ताशी १५६.७ किलोमीटर वेगाने गोलंदाजी करत आयपीएल इतिहासातील चौथा वेगवान चेंडू टाकला आहे. त्यामुळे आता या आयपीएलमध्ये अजून कोणते विक्रम होतात, याकडे सर्व चाहत्यांचे लक्ष असणार आहे.

यंदाची आयपीएल चांगलीच रंगत चालली आहे. त्यामुळे आता प्ले ऑफमध्ये कोणते संघ पोहोचतात, याकडे तमाम क्रिकेट विश्वाचे लक्ष लागलेले असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-25T13:08:30Z dg43tfdfdgfd