धोनीने खास स्टाइलमध्ये केलं रोहितचं कौतुक, स्वत:हून त्याच्याकडे गेला आणि काय केलं पाहा...

मुंबई : मुंबई इंडियन्सकडून एकटाच लढला तो रोहित शर्मा. सुरुवातीपासून ते शेवटच्या षटकापर्यंत तो मैदानात राहीला. शतक झळकावले, पण मुंबईचा एकही खेळाडू त्याला साथ देऊ शकला नाही. त्यामुळेच मुंबईचा पराभव झाला. पण या सामन्यानंतर एक खास गोष्ट पाहायला मिळाली. सामना संपल्यावर चेन्नईचे खेळाडू सेलिब्रेशन करत होते. त्यावेळी धोनी स्वत:हून रोहित शर्माकडे आला आणि खास शैलीत त्याचे कौतुक केल्याचे पाहायला मिळाले.

धोनीनेही या सामन्यात चांगलीच रंगत आणली होती. धोनी फक्त चार चेंडू खेळला, पण त्यामध्ये त्याने तीन षटकार लगावत २० धावांची लूट केली. त्यामुळेच चेन्नईच्या संघाला २०० धावांचा पल्ला ओलांडता आला. त्यानंतर मुंबईचा संघ फलंदाजीला आला. त्यावेळी रोहितने संघाला दणक्यात सुरुवात करून दिली. रोहित शर्माने धडाकेबाज फटकेबाजी सुरुच ठेवली. त्यामुळे मुंबई इंडियन्सला पहिल्या सात षटकांत ७० धावा करता आल्या होत्या. या ७० धावांमध्ये ईशान किशनच्या फक्त २३ धावा होत्या. त्यामुळे रोहित शर्मा कसा खेळत होता, याचा अंदाज येऊ शकतो.

रोहितने या सामन्यात शतक झळकावले. पण त्याला कोणाचीही साथ मिळाली नाही. रोहित एकाकी लढत राहीला. रोहितने लौकिाकाला साजेशी कामगिरी केली, पण अन्य फलंदाज मात्र पेव्हेलियनमध्ये पोहोचण्याची घाई दर्शवत होते. या बिकट परिस्थितीत रोहितने शतक झळकावले आणि त्याचे मोल धोनीला माहिती होते. त्यामुळेच जेव्हा सामना संपला तेव्हा चेन्नईच्या खेळाडूंनी जोरदार सेलिब्रेशन करायला सुरुवात केली. पण धोनी मात्र त्या सेलिब्रेशनमध्ये नव्हता. धोनी त्यावेळी स्वत:हून रोहित शर्माकडे गेला आणि त्याला मिठी मारली. त्याचबरोबर त्याच्या पाठीवरून हात फिरवत बॅड लक, असेही म्हणाला. कारण एकट्या रोहित शर्माने चेन्नईच्या संपूर्ण संघाला धारेवर धरले होते. रोहितने मुंबईला जिंकवण्याचे ठरवलेले होते, पण त्याला मुंबईच्या एकाही खेळाडूची साथ मिळाली नाही आणि तिथेच मुंबई इंडियन्सचा पराभव झाल्याचे पाहायला मिळाले.

रोहित शर्माचे खास कौतुक सामना संपल्यावर धोनीने केल्याचे पाहायला मिळाले. क्रिकेट चाहत्यांसाठी हा आनंद देणारा क्षण नक्कीच होता.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-15T11:36:23Z dg43tfdfdgfd