रोहित शर्माच्या चाहत्यांना वानखेडे स्टेडियमवर रोखले, व्हिडिओमध्ये पाहा नेमकं घडलं तरी काय...

मुंबई : रोहित शर्माचे चाहते वानखेडे स्टेडियमवर सामना पाहण्यासाठी दाखल होत होते. पण यावेळी रोहित शर्माच्या चाहत्यांना वानखेडे स्टेडियमवर रोखण्यात येत होते. रोहित शर्माच्या चाहत्यांबाबत असे वर्तन का करण्यात येत होते, या गोष्टीचा व्हिडिओ आता चांगलाच व्हायरल झाला आहे.

वानखेडेवरील सामन्यामध्ये हार्दिक पंड्याला चिडवले तर काय होईल, याची चिंता चाहत्यांना होती. पण जेव्हा रोहित शर्माचे चाहते वानखेडे स्टेडियममध्ये दाखल होत होते, तेव्हा त्यांची चांगलीच चौकशी केली जात होती आणि त्यांना रोखण्यात आल्याचे पाहायला मिळत होते. रोहित शर्मा हा मुंबई इंडियन्सच्या संघाचा एक अविभाज्य भाग आहे. त्याचबरोबर रोहित शर्माने कोणतेही वाईट कृत्य केले नाही किंवा चाहतेही त्याला चिडवण्याचा प्रयत्न करत नाहीत, पण तरीही हा सामना सुरु होण्यापूर्वी रोहित शर्माच्या चाहत्यांना एक वाईट अनुभव वानखेडे स्टेडियमवर आला.

मुंबई इंडियन्सचा आपल्या घरच्या मैदानातील हा पहिलाच सामना होता. त्यामुळे चाहते आपल्या आवडत्या खेळाडूंना पाहण्यासाठी उत्सुक होते. त्यामुळे आपल्या आवडत्या खेळाडूंना पाठिंबा देण्यासाठी चाहते मोठ्या संख्येने वानखेडे स्टेडियमवर दाखल झाले होते. रोहित शर्माचा एक मोठा चाहता वर्ग आहे. त्यामुळे रोहिचला पाहण्यासाठी चाहते उत्सुक होते. रोहितला पाठिंबा देण्यासाठी काही चाहत्यांनी यावेळी खास फलकही बनवून आणले होते. चाहत्यांचे फलक हे सामन्यात दाखवले जातात आणि त्यामुळे एक वेगळाच रंग चढत असतो. पण ज्या चाहत्यांनी रोहित शर्मासाठी फलक आणले होते, त्यांना वानखेडे स्टेडियमवर रोखण्यात येत होते. महत्वाची गोष्ट म्हणजे रोहित शर्माच्या चाहत्यांना हे फलक मैदानाबाहेरच ठेवण्यास सांगितले जात होते. या गोष्टीचा व्हिडिओ सध्याच्या घडील चांगलाच व्हायरल झाल्याचे समोर आले आहे.

रोहित शर्माच्या चाहत्यांना वानखेडे स्टेडियमवर वाईट अनुभव आला. पण रोहितच्या नावाचे फलक मैदानात न घेऊन जाण्याचा निर्णय नेमका कोणाचा होता, हे अद्याप समोर आलेले नाही. याबाबत मुंबई इंडियन्स किंवा मुंबई क्रिकेट संघटना अधिकृत माहिती देणार का, याची उत्सुकता सर्वांना असणार आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-02T07:45:17Z dg43tfdfdgfd