रोहित शर्माने आरसीबीच्या सामन्यापूर्वी दिली गुड न्यूज, व्हिडिओमध्ये पाहा घडलं तरी काय...

मुंबई : आयपीएलमधील सर्वात मोठा सामना गुरुवारी वानखेडेवर होणार आहे. हा सामना मुंबई इंडियन्स आणि आरसीबी यांच्यात घडणार आहे. पण या सामन्यापूर्वी रोहित शर्माने आपल्या चाहत्यांना एक गुड न्यूज दिली आहे.

रोहित आयपीएलच्या या हंगामात अद्याप फार मोठी खेळी खेळला नसला तरी त्याने दिल्ली कॅपिटल्सविरुद्धच्या विजयात महत्त्वाची भूमिका बजावली होती. त्याने दमदार सुरुवात करत धडाकेबाज शैलीत ४९ धावा केल्या होत्या. यावेळी त्याच्या बॅटमधून २७ चेंडूत ६ चौकार आणि ३ षटकार पाहायला मिळाले. पण थोडक्यासाठी त्याचे अर्धशतक चुकले. आता आरसीबीच्या सामन्यात जेव्हा तो मैदानात उतरेल तेव्हा रोहित चांगल्या सुरुवातीचे रुपांतर मोठ्या डावात करण्याचा प्रयत्न करेल, अशी शक्यता या व्हायरल व्हिडिओमधून चाहत्यांना पाहायला मिळते.

वानखेडेवर मुंबई आणि आरसीबीमध्ये आयपीएल २०२४ चा २५ वा सामना रंगणार आहे. मुंबई इंडियन्सचा हा सामना रोमांचक होण्याची शक्यता आहे. चाहत्यांच्या नजरा या सामन्यावर सज्ज असतील. या सामन्याआधी एमआयच्या एक्स अकाऊंटवर एक व्हिडिओ शेअर करण्यात आला आहे, ज्यामध्ये हिटमॅन शर्मा आपल्या विध्वंसक फॉर्ममध्ये दिसत आहे. रोहित नेट प्रॅक्टिसमध्ये अत्यंत दमदार शैलीत शॉट्स खेळत असल्याचे दिसते. रोहितने या सरावात खणखणीत फटके मारल्याचे पाहायला मिळाले आहे. त्यामुळे रोहितच्या चाहत्यांसाठी ही गुज न्यूज असणार आहे.

या सामन्यात चाहत्यांचा नजरा रोहित आणि विराट या दोन खेळाडूंवर टिकून असतील. आयपीएलमध्ये जबरदस्त फॉर्मामध्ये असलेल्या विराट कोहलीने आतापर्यंत १०५.३३ च्या सरासरीने ३१६ धावा करत चमकदार कामगिरी केली असली तरी इतर खेळाडूंनी या माजी कर्णधाराला चांगली साथ दिलेली नाही. सध्याचा कर्णधार फाफ डू प्लेसिसने केवळ २१.८० च्या सरासरीने १०९ धावा केल्या आहेत तर अष्टपैलू खेळाडू ग्लेन मॅक्सवेल (३२ धावा) आणि कॅमेरून ग्रीन ६८ धावा यांच्या संघर्षामुळे आरसीबी संघाच्या अडचणी वाढल्या आहेत.

दोन्ही संघ गुणतालिकेत तळाशी आहेत आणि आणखी गुण मिळविण्याची धडपड दोन्ही संघांकडून होताना दिसते. दोन्ही संघांचा इकॉनॉमी रेट नकारात्मक आहेत. गुरवारी होणाऱ्या सामन्यात खालील प्लेइंग एलेव्हेन असतील अशी शक्यता सांगती आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-11T11:16:21Z dg43tfdfdgfd