रोहित शर्माने फक्त तीन शब्दांत जिंकली सर्वांची मनं, विजयानंतर पोस्ट झाली जगभरात व्हायरल

मुंबई : रोहित शर्मा प्रत्येक शब्द जपून वापरतो आणि त्यामुळेच त्याच्या शब्दांनी किंमत असते. आता मुंबई इंडियन्सच्या संघाने पहिला विजय साकारला. या पहिल्या विजयानंतर रोहित शर्माने फक्त तीन शब्दांत आपली प्रतिक्रीया दिली आहे. पण या तीन शब्दांत रोहितने सर्व चाहत्यांनी मनं जिंकलेली आहेत. त्यामुळेच रोहितची ही सोशल मीडिया पोस्ट जगभरात चांगलीच व्हायरल झाली आहे.

मुंबई इंडियन्सच्या संघाने यावर्षी रोहित शर्माकडून कर्णधारपद काढून गेले. हार्दिक पंड्याकडे त्यांनी संघाचे नेतृत्व दिले. रोहित शर्मासाठी ही वेदनादायी गोष्ट असली तरी त्याने याबाबत एकही शब्द काढला नाही. आतापर्यंत रोहित शर्मा हा शांतच होता. पण मुंबई इंडियन्सने पहिला विजय मिळवल्यावर कमीत कमी शब्दां त्याेन आपली प्रतिक्रीया दिली आहे. चाहत्यांना ही रोहित शर्माची प्रतिक्रीया चांगलीच आवडली आहे आणि त्यामुळेच त्याची ही पोस्ट जगभरात व्हायरल झाली आहे.

मुंबई इंडियन्सने सामना जिंकला आणि काही वेळातच रोहितने इंस्टाग्रामला एक पोस्ट अपलोड केली. या पोस्टमध्ये रोहितने तीन फोटो अपलोड केले आहेत. यामध्ये पहिल्या फोटोमध्ये रोहित आणि रोमारिओ शेफर्ड हे विजयाचा आनंद साजरा करत आहेत. या पोस्टमधील दुसऱ्या फोटोमध्ये बरीच शाळकरी मुलं आहे. या सामन्यासाठी तब्बल १८ हजार शाळकरी मुलांना मुंबई इंडियन्सने हा सामना पाहण्याची संधी दिली होती. या स्तुत्य उपक्रमाचा फोटो रोहितने शेअर केला होता. त्यानंतर रोहितने तिसरा फोटो हा इशांत शर्मा आणि ऋषभ पंत यांच्याबरोबर मस्करी करतानाचा पोस्ट केला आहे. या फोटोला रोहितने 'ऑफ द मार्क' अशी तीन शब्दांत कमेंट केली आहे. ही कमेंट चाहत्यांना चांगलीच पसंत पडली आहे. त्यामुळे ही पोस्ट चाहत्यांनी व्हायरल केली आहे.

रोहित शर्माच्या चाहत्यांना त्याची ही पोस्ट चांगलीच आवडली आहे. कारण मुंबई इंडियन्सचा हा पहिलाच विजय होता आणि रोहितनेही त्याबाबत फक्त तीन शब्दांत दमदार कमेंट केली आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-08T10:59:34Z dg43tfdfdgfd