शिवम बॅटींग करताना पत्नी अंजुम खान नेमकं काय करत होती, पाहा मैदानात काय घडत होतं...

नवी दिल्ली : शिवम दुबेची धडाकेबाज फलंदाजी चेन्नईच्या विजयात लक्षणीय ठरली. मैदानात आल्यापासून शिवमने धडाकेबाज फटकेबाजी करायला सुरुवात केली. पण जेव्हा शिवम मैदानात तुफानी फटकेबाजी करत होता त्यावेळी त्याची पत्नी अंजुम खान ही मैदानात होती. शिवम फटकेबाजी करत असताना अंजुम नेमकी काय करत होती, याचा फोटो आता चांगलाच व्हायरल झाला आहे.

शिवम मैदानात आला तेव्हापासून वादळी फटकेबाजी करत होता. शिवमचे फटके यावेळी नजरेचे पारणे फेडणारे होते. शिवमने यावेळी जे षटकार खेचले, ते नेत्रसुख देणारे होते. शिवमने या सामन्यात जी धमाकेदार फटकेबाजी केली, त्यामुळेच चेन्नईच्या संघाला २०० धावांचा पल्ला ओलांडता आला. शिवमने या सामन्यात २ चौकार आणि पाच षटकारांच्या जोरावर ५१ धावांची दमदार खेळी साकारली.

शिवम जेव्हा फटकेबाजी करत होता, त्यावेळी त्याची पत्नी अंजुम खान ही मैदानातील स्टँडमध्येच बसली होती. शिवम फटकेबाजी करताना तिच्यावर कॅमेरा मारला जात होता. सुरुवातीला चाहत्यांना समजले नाही की, अंजुमवर एवढा वेळ कॅमेरा आणला जात आहे. पण समालोचकांनी सांगितल्यावर मात्र चाहत्यांनी ही शिवमची पत्नी असल्याचे समजले. शिवमचे लग्न चांगलेच गाजले होते. दोन्ही धर्मांमुळे या लग्नाला एक वेगळी किनार होती. पण यावेळी मैदानात मात्र शिवम खेळत असताना अंजुन ही प्रार्थना करत असल्याचे पाहायला मिळत होते. शिवमच फटकेबाजी ती पाहत होतीच, पण दुसरीकडे ती देवाचा धावाही करत होती. अंजुमची प्रार्थना यावेळी शिवमच्या कामी आली, असेही म्हटले जात आहे. यावेळी अंजुमचा फोटो चांगलाच व्हायरल झाला आहे आणि क्रिकेट विश्वात तिच्या नावाची जोरदार चर्चा आहे.

शिवमने गेल्या आयपीएलमध्येही धमाकेदार फटकेबाजी केली होती. त्यावेळी धोनीने त्याचे कौतुक केले होते. त्यानंतर या हंगामातही शइवमकडून चांगली कामगिरी पाहायला मिळत आहे. पण यावेळी शिवम कामगिरीत सातत्य राखतो का, हे पाहणे सर्वांसाठी उत्सुकतेचे ठरणार आहे. त्यामुळे आता यापुढील चेन्नईच्या सामन्यांत सर्वांची नजर ही त्याच्यावर नक्कीच असेल.

2024-03-27T11:46:40Z dg43tfdfdgfd