CSK VS RCB PITCH REPORT: IPL 2024च्या पहिल्याच सामन्यात टॉस ठरणार बॉस; चेन्नईत किती धावा होतात? टॉस जिंकल्यावर काय निर्णय घ्यावा

चेन्नई: आयपीएल २०२४ची सलामीची लढत चेन्नई सुपर किंग्ज आणि रॉयल चॅलेंजर्स बेंगळुरू यांच्यात होणार आहे. उद्या म्हणजे २२ मार्च रोजी चेन्नईच्या एमए चिदंबरम स्टेडियमवर दोन्ही संघात ही लढत होईल. चेन्नई आणि बेंगळुरू यांच्यातील ही लढत चुरशीची होण्याची शक्यता आहे. दोन्ही संघात एकापेक्षा एक तगडे खेळाडू आहेत, अशात स्पर्धेची सुरुवात विजयाने करण्याचा प्रयत्न करतील.

महेंद्र सिंह धोनी विरुद्ध विराट कोहली अशी लढत या सामन्यात अपेक्षित आहे. दोन्ही संघांना चाहत्यांचा मोठा पाठिंबा आहे. जाणून घेऊयात चेन्नईत होणाऱ्या या पहिल्या लढतीचा पिच रिपोर्ट...

चेन्नईमधील एमए चिदंबरम स्टेडियम हे नेहमी फिरकीपटूंसाठी अनुकूल मानले जाते. या मैदानावर फिरकीपटूंना अधिक मदत मिळते. येथील खेळपट्टीवर चेंडू फार धीमी असते आणि ज्याचा फायदा फिरकीपटूंना फायदा मिळतो. फलंदाजांना खुप सावधपणे खेळावे लागते. जो फलंदाज संयमाने फलंदाजी करतो त्याला मोठी धावसंख्या करण्याची संधी असते.

या मैदानावर गेल्या आयपीएलच्या हंगामातील सरासरी धावसंख्या १७० इतकी आहे. जो संघ नाणेफेक जिंकतो तो प्रथम गोलंदाजी करण्यास प्राधान्य देतो. प्रथम गोलंदाजी करून प्रतिस्पर्धी संघाला कमीत कमी धावसंख्येत रोखण्याचा हेतू असतो. यामुळे दुसऱ्या डावात किती धावसंख्या करावी लागेल याचा एक अंदाज येतो. आयपीएलच्या इतिहासात या मैदानावर ४ वेळा २०० हून अधिक धावा झाल्या आहेत.

चेन्नई सुपर किंग्जची टीम-

महेंद्र सिंह धोनी(कर्णधार), मोईन अली, दीपक चहर, तुषार देशपांडे, शिवम दुबे, ऋतुराज गायकवाड, राजवर्धन हंगरगेकर, रविंद्र जडेजा, अजय मंडल, मुकेश चौधरी, अजिंक्य रहाणे, शेख रशीद, मिशेल सेंटनर, सिमरजीत सिंह, निशांत सिंधु, प्रशांत सोळंकी, महेश थीक्षाना, रचिन रवींद्र, शार्दुल ठाकूर, डेनिल मिशेल, समीर रिझवी, मुस्तफिजुर रहमान, अवनीश राव अरावली

रॉयल चॅलेंजर्स बेंगळुरूची टीम-

फाफ डु प्लेसिस (कर्णधार), ग्लेन मॅक्सवेल, विराट कोहली, रजत पाटीदार, अनुज रावत, दिनेश कार्तिक, सुयश प्रभुदेसाई, विल जॅक्स, महिपाल लोमरोर, कर्ण शर्मा, मनोज भंडागे, मयंक डागर, विजयकुमार वैश्यक, आकाश दीप, मोहम्मद सिराज, रीस टॉपले, हिमांशु शर्मा, राजन कुमार, कॅमरून ग्रीन, अल्जारी जोसेफ, यश दयाल, टॉम करन, लॉकी फर्ग्युसन, स्वप्निल सिंह, सौरव चौहान

2024-03-21T10:02:44Z dg43tfdfdgfd