CSK VS RCB या आयपीएलच्या पहिल्या सामन्यात कोण मारणार बाजी, जाणून घ्या सर्व माहिती...

चेन्नई : आयपीएलचा पहिला सामना हा चेन्नई आणि आरसीबी या दक्षिण भारतामधील दोन दिग्गज संघांमध्ये रंगणार आहे. चेन्नईने गेल्यावर्षी आयपीएल जिंकली होती. आता त्यांच्या नावावर पाच आयपीएलची जेतेपदे आहेत. दुसरीकडे आतापर्यंत आरसीबीला एकदाही जेतेपद पटकावता आलेले नाही. या सामन्यापासून चेन्नईचा कर्णधार बदलणार आहे. महेंद्रसिंग धोनीच्या जागी आता ऋतुराज गायकवाड चेन्नईचा कर्णधार असणार आहे. त्यामुळे या पहिल्या सामन्यात कोणता संघ बाजी मारतो, याकडे सर्वांचे लक्ष लागलेले असेल.

बेंगळुरू संघाची जमेची बाजू - कोहली, डुप्लेसिस, मॅक्सवेल असे आक्रमक फलंदाज. मधल्या फळीत कॅमेरून ग्रीन, रजत पाटीदार. या सगळ्यांची बॅट चालली, तर चेन्नईच्या गोलंदाजांची कसोटी. आकाश दीप, महंमद सिराज, विजयकुमार हे गोलंदाज मॅच-विनर ठरू शकतात.

कमकुवत बाजू - अनुभवी फिरकी गोलंदाजांची उणीव. वानिंदू हसरंगाच्या जागी चांगला गोलंदाज बेंगळुरूकडे नाही. कर्ण शर्मा, हिमांशू शर्मा, मॅक्सवेलवर जबाबदारी. त्यात हर्षल पटेल संघात नाही.

चेन्नईच्या संघाची जमेची बाजू - महेंद्रसिंह धोनीसारखा मास्टर माइंड संघात. खोलवर फलंदाजी. मोठ्या स्पर्धांमध्ये कशी फलंदाजी करावी, याचा पुरेसा अनुभव असलेले खेळाडू संघात. दबावात चेन्नईचा खेळ बहरतो.

कमकुवत बाजू - वेगवान गोलंदाज मथीशा पथिरानाला दुखापत झाली आहे. तो काही लढतींना मुकणार आहे. संघाच्या नेतृत्व बदलाचा परिणाम होता कामा नये. डेव्हॉन कॉन्वे दुखापतीमुळे संघात नाही. फलंदाज म्हणून धोनी अपयशी. रहाणेचा फॉर्म हरपला आहे.

चेन्नई - ऋतुराज गायकवाड (कर्णधार), महेंद्रसिंह धोनी, शिवम दुबे, रवींद्र जडेजा, राचिन रवींद्र, अजिंक्य रहाणे, मोइन अली, डॅरिल मिचेल, शार्दूल ठाकूर, दीपक चहर, तुषार देशपांडे, राजवर्धन हंगर्गेकर, मुकेश चौधरी, अजय मंडल, शैक रशीद, मिचेल सँटनर, सिमरजित सिंग, निशांत सिंधू, प्रशांत सोलंकी, महीश तिक्षाणा, समीर रिझवी, मुस्तफिझूर रहमान, अवनिश राव.

बेंगळुरू - फाफ डुप्लेसिस (कर्णधार), विराट कोहली, ग्लेन मॅक्सवेल, रजत पाटीदार, अनुज रावत, दिनेश कार्तिक, सुयश प्रभुदेसाई, विल जॅक्स, महिपाल लोमरोर, कर्ण शर्मा, मनोज भांडगे, मयंक डगर, विजयकुमार, आकाश दीप, महंमद सिराज, रीस टॉपली, हिमांशू शर्मा, राजनकुमार, कॅमेरून ग्रीन, अल्झारी जोसेफ, यश दयाल, टॉम करन, लॉकी फर्ग्युसन, स्वप्नील सिंग, सौरव चौहान.

चेन्नई वि. बेंगळुरू

ठिकाण : एम. ए. चिदंबरम स्टेडियम, चेन्नई

प्रक्षेपण : स्टार स्पोर्ट्स, जिओ सिनेमा

आमनेसामने

३१ लढती

२० चेन्नईचे विजय

१० बेंगळुरूचे विजय

१ अनिर्णित

2024-03-22T12:50:20Z dg43tfdfdgfd