ENGLAND CRICKET CLUB: जगातील सर्वात जुन्या क्रिकेट क्लबचा अजब नियम; सामन्यात षटकार ठोकण्यास बंदी

मुंबई: जगातील सर्वात जुन्या क्रिकेट क्लबपैकी एक असलेल्या इंग्लंडने आता मैदानात खेळणाऱ्या खेळाडूंसाठी नवीन नियम जारी केला आहे. या नियमामुळे क्रिकेट खेळणाऱ्या कोणत्याही खेळाडूला हा नियम पटणारच नाही. हा नियम म्हणजे क्रिकेट खेळताना जर षटकार ठोकला तर तो एकप्रकारे गुन्हाच मानला जातो आणि त्या खेळाडूला बाद केले जाते.

इंग्लंडमधील साउथविक आणि शोरेहॅम क्रिकेट क्लबने खेळाडूंना षटकार मारण्यास बंदी घातली आहे. या बंदीच्या मागे एक अतिशय रंजक कथा दडलेली आहे. मैदानाजवळ राहणाऱ्या लोकांनी त्यांच्या मालमत्तेचे नुकसान झाल्याची तक्रार दाखल केल्यानंतर हा निर्णय घेण्यात आला आहे. याशिवाय सामना पाहण्यासाठी आलेल्या लोकांना दुखापत, वाहनांचे नुकसान होण्याच्या घटनांमध्ये वाढ होत आहे.

या समस्येतून सुटका करण्यासाठी या क्रिकेट क्लबने एक अजब नियम केला आहे. जेव्हा एखादा खेळाडू पहिला षटकार मारतो तेव्हा तो एक इशारा म्हणून पाहिला जाईल आणि ज्या संघाच्या खेळाडूने षटकार मारला असेल त्या संघाला एकही धाव मिळणार नाही. त्यानंतर मारलेल्या षटकारांवर खेळाडूंना बाद घोषित केले जाईल. क्लबच्या खजिनदारांनीही या प्रकरणाची दखल घेतली आहे.

या निर्णयाबाबत माहिती देताना साउथविक आणि शोरहॅम क्रिकेट क्लबचे खजिनदार मार्क ब्रॉक्सअप यांनी सांगितले की, विम्याचे दावे आणि कायदेशीर प्रक्रियेमुळे होणारा खर्च टाळण्यासाठी त्यांनी हा नियम केला आहे. जुन्या काळी क्रिकेट शांत वातावरणात खेळले जायचे पण टी-20 आणि मर्यादित षटकांचे क्रिकेट आल्यानंतर या खेळात अधिक आक्रमकता दिसू लागली आहे. स्टेडियमजवळ राहणारे एक 80 वर्षीय व्यक्ती म्हणाले की, " आजकाल खेळाडू इतके उत्साही झाले आहेत की त्यांच्यासमोर षटकार मारण्यासाठी स्टेडियमही छोटे होत आहे."

खेळाडूंमध्ये नाराजी

हा नवा आणि विचित्र नियम समोर आल्यानंतर खेळाडू सातत्याने या नियमाचा विरोध करत आहेत. एका फलंदाजाने सांगितले की, षटकार मारणे ही या खेळाची ओळख आहे, त्यावर बंदी कशी घालता येईल. क्रिकेट सामन्यांमधून जल्लोष बाहेर नेण्याचा प्रयत्न केला जात असल्याचा दावाही करण्यात आला. दुसरीकडे, एका खेळाडूने सांगितले की, आजकाल प्रत्येकाला फक्त आरोग्याची काळजी असते. स्टेडियममुळे होणाऱ्या नुकसानीमुळे विमा कंपन्या स्पोर्ट्स क्लबमधून प्रचंड नफा कमवत आहेत.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-24T03:57:56Z dg43tfdfdgfd