GAUTAM GAMBHIR: गौतम गंभीरचे संघ मालकांबद्दल मोठं वक्तव्य, संजीव गोएंकांशी तुलना थेट शाहरुखशी केली अन्...

नवी दिल्ली: एकीकडे लखनौ सुपर जायंट्स संघाचे मालक संजीव गोएंका आणि त्या संघाचा कर्णधार के एल राहुल यांच्यातील वादाची चर्चा सध्या सोशल मीडियावर पाहायला मिळत आहे. यापूर्वी गौतं गंभीरने लखनौच्या संघात असताना संजीव गोएंका यांच्यांबरोबर काम केले आहे. त्यामुळे आता गंभीरने संजीव गोएंका यांची तुलना शाहरुख खानशी करताना संघ मालकांबाबत एक मोठे वक्तव्य केले.

यंदाच्या हंगामात गौतम गंभीर केकेआरसोबत

गौतम गंभीर आणि कोलकाता नाइट रायडर्स यांच्यातील नाते खूप जूने आहे. भारताचा माजी फलंदाज गौतम गंभीर हा संघाच्या इतिहासातील सर्वात यशस्वी असा कर्णधार आहे. गंभीरच्या नेतृत्वात आयपीएलमध्ये संघाला दोन विजेतेपद मिळाले आहेत. यंदा तो संघात प्रशिक्षक म्हणून परतला आहे. गंभीर व कोलकाता संघाचा मालक शाहरुख खान यांच्यात चांगले संबंध आहेत. पण यापूर्वी गंभीर हा लखनौच्या संघात असल्यामुळे संजीव गोएंकांशीदेखील त्याचा संबंध आला होता.

गंभीरने एका मुलाखतीत म्हटले होते की, " माझे शाहरुखसोबत चांगले संबंध आहेत. माझ्यासाठी ते सर्वात चांगले मालक आहेत. ते शांत आहेत हेच फक्त कारण नाही तर ते खूपच विनम्र आहेत. मला नाही वाटत की त्यांनी कधी क्रिकेटच्या मुद्द्यांमध्ये हस्तक्षेप केला आहे. माझ्यासारख्या व्यक्तीसाठी ही खूप मोठी गोष्ट आहे की, जिथे तुम्हाला स्वतःचे निर्णय घेण्याचे स्वातंत्र्य मिळते. तुमच्याकडे स्वातंत्र्य व विश्वास असेल की, मी जो निर्णय घेईल त्याला स्विकारले जाईल."

गंभारने पुढे म्हटले की,' आपल्याला कामात स्वातंत्र्य दिल्याचा फायदा असा होतो की आपण चांगले निर्णय घेऊ शकतो. शाहरुख नेहमी मला पाठिंबा देतो. सर्वात महत्त्वाची गोष्ट म्हणजे याचा रीझल्ट आपल्याला पाहायला मिळतो. त्यांच्यासोबत माझे संबंध चांगले आहेत. जेव्हा मी २०११ या वर्षी पहिल्यांदा केकेआर संघाशी जोडलो गेलो तेव्हापासूनच आम्ही चांगले मित्र आहोत. मला असे वाटते की, केकेआर माझ्यासाठी एक फक्त संघ नाही तर ती एक भावना आहे. त्यामुळे मला वाटते की कोणत्याही नात्याची सुरुवात विश्वासाने होते त्यामुळे तो विश्वास तुम्हाला खूप पुढेपर्यंत घेऊन जातो."

गंभीरने म्हटले की, आमच्यात असा विश्वास आहे तसेच मला माहित आहे की शाहरुख कधीही क्रिकेटच्या मुद्द्यांमध्ये स्वतः सहभागी होणार नाही. त्यांना माहित आहे की, मी जे निर्णय घेईल ते संघाच्या सर्वोत्तम हितासाठीच असेल. त्यामुळे सर्व संघ मालकांमध्ये मला शाहरुख नेहमीच आवडतो. कारण ज्या गोष्टीत आपण तज्ञ नाही त्यामध्ये तो पडत नाही, एवढेच नाही तर जी लोकं त्या विषयात तज्ञ आहेत त्यांचे तो ऐकून घेतो आणि निर्णयात कधीही ढवळाढवळ करत नाही."

संजीव गोएंका यांच्याबरोबर गंभीरने काम केले आहे. त्यानंतर लोकेश राहुलच्या प्रकरणाची जोरदार चर्चा आहे. त्यावेळी गंभीरने संजीव गोएंका यांचे नाव न घेता त्यांना चांगलाच टोला लगावला आहे. कारण गंभीरने त्यांची तुलना शाहरुख खानशी केली आहे. त्यामध्ये शाहरुख हा गंभीरला उत्तम वाटतो.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-14T02:36:55Z dg43tfdfdgfd