IPL 2024 LATEST POINTS TABLE: एका विजयाने KKRने दोन संघांना मागे टाकले, गुणतक्त्यात चेन्नई अव्वल तर मुंबई...

बेंगळुरू: आयपीएल २०२४मधील १०वी लढत रॉयल चॅलेंजर्स बेंगळुरू आणि कोलकाता नाईट रायडर्स यांच्यात चिन्नास्वामी स्टेडियमवर झाली. या लढतीत केकेआरने आरसीबीवर ७ विकेट राखून शानदार विजय मिळवला. केकेआरचा हा सलग दुसरा विजय ठरला. तर आरसीबीचा ३ सामन्यातील हा दुसरा पराभव आहे. या लढतीनंतर गुणतक्त्यात कोणचा संघ कुठे आहे ते जाणून घेऊयात...

आयपीएलच्या १७व्या हंगामात शुक्रवारी झालेल्या लढतीनंतर कोलकाता नाईट रायडर्सने गुणतक्त्यात दुसऱ्या क्रमांकावर झेप घेतली आहे. अव्वल स्थानी चेन्नई सुपर किंग्ज असून त्यांचे २ सामन्यातील २ विजयांसह ४ गुण आहेत. चेन्नईचे नेट रनरेट सर्वाधिक म्हणजे प्लस १.९७९ इतके आहे. बेंगळुरूवर विजय मिळवून दुसऱ्या स्थानावर पोहोचलेल्या केकेआरचे २ सामन्यात ४ गुण असून त्याचे नेट रनरेट प्लस १.०४७ इतके आहे. तिसऱ्या स्थानावर राजस्थान रॉयल्सचा संघ आहे. त्याचे देखील २ सामन्यात ४ गुण आहेत आणि नेट रनरेट प्लस ०.८०० इतके आहे.

चौथ्या, पाचव्या आणि सहाव्या स्थानावर अनुक्रमे सनरायझर्स हैदराबाद, पंजाब किंग्ज आणि रॉयल चॅलेंजर्स बेंगळुरूचा संघ आहे. तर सातव्या क्रमांकावर गुजरात टायटन्सचा संघ आहे. या सर्वांनी प्रत्येकी एक विजय मिळवल्याने त्यांचे सर्वांचे प्रत्येकी २ गुण आहेत.

आठव्या, नवव्या आणि दहाव्या क्रमांकावर अनुक्रमे दिल्ली कॅपिटल्स, मुंबई इंडियन्स आणि लखनौ सुपर जायट्सचा संघ आहे. या तिन्ही संघांना अद्याप एकही विजय मिळवता आलेला नाही.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-03-29T19:07:07Z dg43tfdfdgfd