IPL2024: १७वा सिजन या गोष्टींमुळे होईल खास, इतिहासातील सर्वात मोठा सिझन आणि बरेच काही

बहुप्रतिक्षित आयपीएलच्या १७ व्या हंगामाला आजपासून सुरुवात होणार आहे. या स्पर्धेच्या सलामीचा सामना गतविजेता चेन्नई सुपर किंग्ज आणि रॉयल चॅलेंजर्स बंगळुरू यांच्यात होणार आहे. गेल्या १६ वर्षांपासून चॅम्पियन बनण्याचा फॉर्म्युला शोधत आहे. अनेक गोष्टींमुळे आयपीएलचा हा हंगाम खास ठरणार आहे. काही नवीन गोष्टींसह संघाचे कर्णधार देखील आपल्याला बदललेले दिसणार आहेत

ऋषभ पंतचे पुनरागमन भारताचा स्फोटक फलंदाज ऋषभ पंत १४ महिन्यांच्या दीर्घ ब्रेकनंतर पुनरागमन करणार आहे. एका अपघातदम्यान त्याच्या गुडघ्याला गंभीर दुखापत झाली होती. मात्र आता त्याच्या फिजीओ व डॉक्टरांनी खेळण्यास परवानगी दिली आहे. यामुळे तो आय खेळतांना दिसेल.

यंदा खेळतील सर्वात महाग खेळाडू गेल्या वर्षी डिसेंबरमध्ये झालेल्या IPL लिलावात ऑस्ट्रेलियन कर्णधार पॅट कमिन्सला सनरायझर्स हैदराबादने २०.५० कोटी रुपयांत खरेदी केले आहे.यानंतर त्याचा देशाचा वेगवान गोलंदाज मिचेल स्टार्कला कोलकाता नाईट रायडर्सने २४.७५ कोटी रुपयांमध्ये करारबद्ध केले. यावर्षी लीगमध्ये सर्वात महाग खेळाडू खेळतांना दिसतील.

मुल्लानपूरमध्ये होतील सामने२३ मार्च रोजी पंजाब किंग्जचा दिल्ली विरुद्धचा सामना मोहालीत नव्हे तर मुल्लानपूरमध्ये होणार आहे. पंजाब क्रिकेट असोसिएशनचे हे स्टेडियम पटियालाचे महाराजा यादविंदर सिंग म्हणून ओळखले जाईल. पंजाब किंग्स मैदानाचे फोटो सोशल मीडियावर अपलोड करतांना दिसतात.

सर्वात मोठा हंगामदेशाच्या सार्वत्रिक निवडणुकांमुळे आयपीएल स्पर्धा २ टप्प्यांमध्ये विभागली जाणार आहे. २०१९ च्या गेल्या सार्वत्रिक निवडणुकांमध्ये देखील ही स्पर्धा आयोजित करण्यात आली होती. यंदाचा हंगाम २२ मार्चपासून सुरू होत आहे. २६ मे रोजी अंतिम सामना अपेक्षित आहे. यामुळे हा सर्वात मोठा हंगाम (६६ दिवस) ठरणार आहे.

संघाचे सूत्र नवीन कर्णधारांच्या हातात मुंबई इंडियन्सने रोहित शर्माला कर्णधारपदापासून दूर केले आहे. त्याच्या जागी हार्दिकला संघात सामील करून कर्णधारपद देण्यात आले आहे. सीझन सुरू होण्याच्या एक दिवस आधी धोनीने स्वतः सीएसकेचे कर्णधारपद सोडले. अशाप्रकारे आयपीएल 2024 मधील चार संघांची कमान नव्या खेळाडूंच्या हातात येईल. चेन्नईचे नेतृत्व ऋतुराज गायकवाड, मुंबईचा हार्दिक, गुजरात टायटन्सचा शुभमन गिल आणि हैदराबादचा पॅट कमिन्स करणार आहेत.

2024-03-22T06:19:32Z dg43tfdfdgfd