KAPIL DEV: कपिल देव यांची बीसीसीआयवर टीका; कॅन्सरग्रस्त माजी खेळाडूला मदत न केल्यामुळे संतापले

मुंबई: १९८३मध्ये एकदिवसीय विश्वचषक विजेतेपदासाठी भारतीय क्रिकेट संघाचे नेतृत्व करणारे कर्णधार कपिल देव यांनी 'ब्लड कॅन्सर'शी लढा देत असलेल्या आपल्या सहकारी अंशुमान गायकवाडला मदत करण्याचे आवाहन भारतीय क्रिकेट नियामक मंडळाला म्हणजेच बीसीसीआयला केले आहे. ७१ वर्षीय अंशुमान गायकवाड यांच्यावर गेल्या एक वर्षापासून लंडनच्या किंग्ज कॉलेज हॉस्पिटलमध्ये उपचार सुरू आहेत.

कपिल देव यांनी बीसीसीआयकडून अंशुमान गायकवाडला मदत करण्याची अपेक्षा व्यक्त केली आहे. बीसीसीआयला मदतीची विनंती करण्यासोबतच भारताचा माजी कर्णधार उपचारासाठी पेन्शन देण्यासही तयार आहे. स्पोर्टस्टारशी बोलताना कपिल देव म्हणाले, "हे खूप दुःखद आणि निराशाजनक आहे, मी आशुसोबत खेळलो असल्यामुळे मला वेदना होत आहेत आणि मी त्याला या अवस्थेत पाहू शकत नाही, कोणालाही त्रास होऊ नये. मला हे माहित आहे. बोर्ड सक्ती करणार नाही. मला खात्री आहे की चाहते त्याला निराश करणार नाहीत आणि त्याच्या पुनर्प्राप्तीसाठी प्रार्थना करतील."

सिस्टीममधील उणिवा आणि निवृत्ती वेतन दान करताना भारताचा माजी कर्णधार म्हणाला, "दुर्दैवाने आमच्याकडे यंत्रणा नाही, हे चांगले आहे की आजचे क्रिकेटपटू चांगले पैसे कमावत आहेत. सपोर्ट स्टाफ सदस्यही चांगले पैसे कमवत आहेत. आमच्या वेळेला बोर्डाकडे पैसा नव्हता आणि आज आहे तर बोर्डाने माजी खेळांडूनाही मदत करावी. बोर्ड असं का करेल पण ? जर काही ट्रस्ट बनवली असती तर आज त्या ट्रस्टमध्ये पैसे असते, मला वाटते बीससीसीआयने तसे करावे, ते माजी आणि आताच्या दोन्ही खेळाडूंचा योग्यरितीने सांभाळ करु शकतात. आम्ही आमची पेंशनही दान करून मदत करायला तयार आहोत."

अंशुमान गायकवाड यांनी ८० च्या दशकात टीम इंडियाचे प्रतिनिधित्व केले होते. भारतासाठी ४० कसोटी सामने खेळणाऱ्या अंशुमान यांनी एक द्विशतक, दोन शतके आणि दहा अर्धशतकांसह १९८५ धावा केल्या आहेत. १५ वनडे सामन्यात एक अर्धशतकासह २६९ धावा केल्या आहेत. १९९७ ते २००० या काळात अंशुमान यांनी टीम इंडियाच्या प्रशिक्षकाची भूमिका बजावली आहे. या काळात भारतीय संघाने शारजाहमधील प्रसिद्ध कोका-कोला कप आणि पाकिस्तानविरुद्ध दिल्ली कसोटी जिंकली होती.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-13T10:22:41Z dg43tfdfdgfd