KKR VS RCB मॅचपूर्वी विराट आणि गंभीरच्या फोटोंची चर्चा, नेमकं घडलंय तरी काय पाहा...

नवी दिल्ली : शुक्रवारी आरसीबी आणि कोलकाता नाईट रायडर्स यांच्यात सामना रंगणार आहे. पण या सामन्यापूर्वी जोरदार चर्चा सुरु झाली आहे ती विराट कोहली आणि गौतम गंभीर यांच्या फोटोंची. या सामन्यापूर्वी दोघांचा फोटो चांगलाच व्हायरल झाला आहे.

विराट आणि गंभीर हे दोघेही दिल्लीकर. पण या दोघांमधून विस्तवही जात नसल्याचे पाहायला मिळाले आहे. या दोघांमधले वैर फार जुने आहे. गेल्यावर्षी या दोघांमधील वैर पाहायला मिळाले होते. तेव्हा गंभीर हा लखनौ सुपर जायंट्सच्या संघाबरोबर होता. पण यापूर्वी जेव्हा गंभीर दिल्लीच्या संघाबरोबर होता तेव्हा आणि केकेआरबरोबर असतानाही कोहलीबरोबर भिडल्याचे सोमर आले आहे. या मोसमात शुक्रवारी विराट आणि गंभीर प्रथमच आमने सामने येणार आहेत. त्यामुळे या सामन्यात नेमकं का होणार, हे पाहणे उत्सुकतेचे ठरेल. पण त्याचपूर्वी या दोघांचे फोटो व्हायरल झाले आहेत.

आरसीबी आणि केकेआर यांच्यातील सामना क्रिकेट विश्वासाठी महत्वाचा आहे. कारण या सामन्यात कोहली आणि गंभीर यांच्यामध्ये नेमकं काय घडतं, याकडे सर्वांचे लक्ष असेल. हीच गोष्ट लक्षात घेत कोलकाता नाइट रायडर्सच्या संघाने एक ट्विट केले आहे. या ट्विटमध्ये त्यांनी एकाच फ्रेममध्ये कोहली आणि गंभीर हे दोघे असल्याचे दाखवले आहे. या फोटोमध्ये दोन वेगळे प्रयोग यावेळी करण्यात आले आहेत. या फोटोमध्ये कोहली आणि गंभीर दोघेही दिसत आहेत. पण पहिल्या फोटोत कोहलीला ब्लर करण्यात आले आहे, तर दुसऱ्या फोटोमध्ये गंभीरला ब्लर करण्यात आले आहे. या फोटोवर क्रिकेटच्या एका फोटोमुळे चाहत्यांना वाईट वाटत आहे किंवा धक्का बसत आहे, असे केकेआरला म्हणायचे आहे. पण हा फोटो सध्याच्या घडीला चांगलाच व्हायरल झाला आहे.

आरसीबी आणि केकेआर या दोन्ही संघांसाठी हा सामना महत्वाचा असेल. कारण या सामन्यात जो संघ विजयी ठरेल, त्यांना गुणतालिकेत बढती मिळणार आहे. त्यामुळे या सामन्यात कोणता संघ बाजी मारतो, याकडे सर्वांचे लक्ष लागलेले असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-03-29T12:06:24Z dg43tfdfdgfd