मुल्लानपूर : सॅम करनच्या तुफानी फटकेबाजीच्या जोरावर दिल्लीने पहिल्याच सामन्यात दिल्लीवर विजय मिळवला. दिल्लीने पंजाबपुढे विजयासाठी १७५ धावांचे आव्हान ठेवले होते. या आव्हानाचा पाठलाग करताना पंजाबच्या सॅम करनने धमाकेदार अर्धशतक झळकावले आणि संघाला विजय मिळवून देत विजय साकाररला. सॅम करनने यावेळी ४७ चेडूंत सहा चौकार आणि एका षटकाराच्या जोरावर ६३ धावांची खेळी साकारली, त्यामुळे पंजाबच्या संघाला चार विकेट्स राखून विजय मिळवता आला.
दिल्लीच्या १७५ धावांचा पाठलाग करताना पंजाबची सुरुवात चांगली झाली नाही. कारण कर्णधार शिखर धवन आणि सलामीवीर जॉनी बेअरस्टो हे दोघेही जास्त धावा करू शकले नाहीत. पण यावेळी सॅम करन संघाच्या मदतीला धावून आल्याचे पाहायला मिळाले. एकीकडे विकेट्स पडत असताना सॅमने धमाकेदार फलंदाजी केली आणि त्यामुळेच पंजाबला विजयाची आशा निर्माण झाली होती.
या सामन्यात सर्वांना उत्सुकता होती ती ऋषभ पंतची. दिल्लीचा संघ फलंदाजीला उतरला. डेव्हिड वॉर्नर आणि मिचेल स्टार्क या दोन्ही ऑस्ट्रेलियाच्या खेळाडूंनी यावेळी संघाला चांगली सुरुवात करून दिली असली तरी या दोघांनाही मोठी खेळी साकारण्यात अपयश आले. वॉर्नर यावेळी २९ धावांवर बाद झाला तर मार्शला यावेळी २० धावा करता आल्या. वॉर्नर बाद झाला आणि त्यावेळी मैदानात आला तो ऋषभ पंत. या सामन्यात पंत कशी फलंदाजी करतो, याकडे सर्वांचे लक्ष लागलेले होते. पण त्याचवेळी शाई होप हा धडाकेबाज फटकेबाजी करत होता. होपने यावेळी ३३ धावा केल्या. होप बाद झाला आणि संघाची सर्व जबाबदारी पंतवर होती. त्यामुळे पंतकडे सर्वांचे लक्ष लागलेले होते. पण पंतला यावेळी मोठी खेळी साकरण्यात अपयश आले. पंत यावेळी १८ धावांवर बाद झाला. पण त्यानंतर दिल्लीच्या संघाने एक मोठी खेळी साकारली.
दिल्लीच्या संघाने यावेळी अभिषेक पोरेलला इम्पॅक्ट खेळाडू म्हणून संघात दाखल केले. पोरेल फलंदाजीला आला आणि त्याने पंजाबच्या गोलंदाजीची पिसेच काढली. कारण पोरेल यावेळी फक्त १० चेंडू खेळला, या १० चेंडूंमध्ये चार चौकार आणि दोन षटकारांच्या जोरावर नाबाद ३२ धावा केल्या. पोरेलच्या खेळीच्या जोरावर दिल्लीच्या संघाला प्रथम फलंदाजी करताना ९ बाद १७४ अशी मजल मारता आली. हा सामना चांगलाच रंगतदार झाला, पण अखेर पंजाबने दिल्लीवर विजय साकारल्याचे पाहायला मिळाले.
2024-03-23T14:07:49Z dg43tfdfdgfd