ROHIT SHARMA HOLI: कधी लोळला जमिनीवर तर कधी कॅमेऱ्यावर मारले पाणी, रोहित शर्माने लुटला होळीचा खरा आनंद..पाहा व्हिडिओ

देशभरात होळी व धुलिवंदनाचा उत्सव मोठ्या जल्लोषात साजरा करण्यात आला. अनेक लोकांनी एकत्र येत रंगांची उधळण केली. देशभरातून होळीचे फोटो आणि व्हिडिओ व्हायरल झाले आहेत. भारतीय संघाचा कर्णधार आणि मुंबई इंडियन्सचा आघाडीचा फलंदाज रोहित शर्मानेही होळी खेळण्यात कोणतीही कसर सोडली नाही. रोहितने त्याचा होळी खेळतानाचा व्हिडिओ शेअर केला आहे. ३७ वर्षांचा रोहित एखाद्या लहान मुलाप्रमाणे होळी खेळला. रोहितने इन्स्टाग्रामवर व्हिडिओ शेअर केला आहे.

पत्नी रितिका आणि मुलीसोबत रोहितची मस्ती

रोहित शर्माने पत्नी रितिका सजदेह आणि मुलगी समायरासोबत होळीचा आनंद घेतला. रोहितसोबत यावेळी त्याचे मुंबई इंडियन्सचे सहकारी देखील बघायला मिळाले. रोहित जमिनीवर पडलेल्या पाण्यावर घसरला तर काही गाण्यांवर देखील थरकतांना दिसला. रोहितने यावेळी त्याची व्हिडीओ रेकॉर्डिंग करणाऱ्या कॅमेऱ्यावर देखिल पाणी मारले. मुंबई इंडियन्सने त्याचा व्हिडिओ स्वतंत्रपणे त्यांच्या सोशल मीडिया पेजवर पोस्ट केला आहे.

पहिल्या सामन्यात मुंबई इंडियन्सचा पराभव झाला होतरोहित शर्माला कर्णधारपदावरून हटवल्यानंतर मुंबई इंडियन्सने पहिला सामना गमावला होता. नवीन कर्णधार हार्दिक पंड्याच्या नेतृत्वाखाली मुंबईने IPL 2024 मध्ये होलिका दहनाच्या दिवशी गुजरात टायटन्सविरुद्धचा सामना गमावला. रोहित शर्माने २०१३च्या मोसमानंतर प्रथमच कर्णधार म्हणून आयपीएलला सुरुवात केली नव्हती. त्याच्या बॅटमधून धावा आल्या पण तरीही मुंबईचा संघ सामना हरला. हार्दिक पांड्याच्या नेतृत्वाखाली मुंबई एके काळी विजयाच्या जवळ जाताना दिसत होती. पण अखेर गुजरातने हा सामना ६ धावांनी जिंकला. आता मुंबईचा पुढचा सामना २७ मार्चला सनरायझर्स हैदराबादशी होणार आहे.

आयपीएल २०२४ च्या लिलावापूर्वी मुंबई इंडियन्सने रोहितला कर्णधारपदावरून हटवले होते. हार्दिक पांड्याकडे संघाची कमान सोपवण्यात आली होती. २०१३ च्या मोसमानंतर रोहितने प्रथमच खेळाडू मैदानावर म्हणून प्रवेश केला.

2024-03-26T04:58:47Z dg43tfdfdgfd