SHIKHAR DHAWAN: प्लेइंग इलेव्हनमधून कर्णधारच गायब झाला; दुखापत की पत्ताच कट केला? शिखर धवन काय झालं?

मुल्लापुर: आयपीएल २०२४मधील २७वी लढत पंजाब किंग्ज आणि राजस्थान रॉयल्स यांच्यात सुरू आहे. या लढतीत राजस्थानचा कर्णधार संजू सॅमसनने टॉस जिंकून प्रथम गोलंदाजी करण्याचा निर्णय घेतला. खराब फलंदाजीनंतर पंजाबला २० षटकात १४७ धावांपर्यंत मजल मारता आली. या लढतीत पंजाबचे नेतृत्व शिखर धवनच्या जागी सॅम करन करताना दिसला. शिखर हा राजस्थानविरुद्ध संघाबाहेर होता.

शिखर धवन अचानक मॅच खेळण्यास का आला नाही. त्याला दुखापत झाली की प्लेइंग ११ मधून त्याचा पत्ता कट झाला अशी चर्चा सुरू झाली. नाणेफेकीच्या वेळी पंजाबचा कर्णधार म्हणून सॅम करन मैदानावर आला. शिखर धवन दुखापतीमुळे या लढती खेळत नसल्याचे समोर आले. पण टॉसच्या वेळी सॅम करनने हे सांगितले नाही की, धवनला कशी दुखापत झाली किंवा काय दुखापत झाली. शिखर धवन संघात नसल्याने चाहत्यांमध्ये चर्चा सुरू झाली. त्याला खरच दुखापत झाली की संघाबाहेर करण्यात आले अशी चर्चा सोशल मीडियावर सुरू झाली.

शिखर धवन या सामन्यात का खेळली नाही याचे खरी अपडेट अशी आहे की, सनरायझर्स हैदराबादविरुद्धच्या लढतीत शिखरच्या खांद्याला दुखापत झाली होती. त्यामुळे ते या लढतीसाठी उपलब्ध नाही. धवनने हा हंगामात आतापर्यंत सर्व लढतीत पंजाबसाठी सलामीला फलंदाजी केली होती. त्याने १२१ चेंडूत १५२ धावा केल्या आहेत. लखनौ विरुद्धच्या लढतीत त्याने ५० चेंडूत ७० धावा केल्या होत्या.

या हंगामात पंजाबने ५ पैकी २ लढतीत विजय मिळवला आहे. ३ लढतीत त्यांचा पराभव झाला असून ४ गुणांसह ते गुणतक्त्यात सातव्या क्रमांकावर आहेत. राजस्थानविरुद्धच्या लढतीत पंजाबच्या एकाही फलंदाजाला मोठी धावसंख्या उभी करता आली नाही. आशुतोष शर्माने १६ चेंडूत केलेल्या ३१ धावांमुळे पंजाबला १५०च्या जवळ पोहोचता आले.

पंजाबची आयपीएलमधील कामगिरीदिल्ली विरुद्ध ४ विकेटनी विजय

बेंगळुरूविरुद्ध ४ विकेटनी पराभव

लखनौ विरुद्ध २१ धावांनी पराभव

गुजरात विरुद्ध ३ विकेटनी विजय

हैदारबादविरुद्ध २ धावांनी पराभव

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-13T16:53:44Z dg43tfdfdgfd