T20 WORLD CUP मध्ये नवीन आणलेला STOP CLOCK RULE नेमका आहे तरी काय, जाणून घ्या...

मुंबई : टी-२० वर्ल्ड कपमध्ये आता नवीन Stop Clock Rule आणण्यात आला आहे. हा नियम या वर्ल्ड कपमध्ये कटाक्षाने पाळला जाणार आहे. पण हा नियम नेमका आहे तरी काय आणि या नियमाचे पालन करण्यासाठी काय करावे लागेल, याची सर्व माहिती आता समोर आली आहे.

काही दिवसांनी आता आयपीएलला सुरुवात होणार आहे. आयपीएल २० षटकांचीच स्पर्धा आहे. त्यानंतर टी-२० वर्ल्ड कप होणार आहे. पण आयपीएलपेक्षा हा टी-२० वर्ल्ड कप वेगळा असणार आहे. कारण या वर्ल्ड कपमध्ये सर्व सामने वेळेत संपतील, असे म्हटले जात आहे. कारण आतापर्यंत सामने संपण्यासाठी बराच वेळ जात होता आणि त्यामुळे सामना संपायला उशिर व्हायचा. पण आता या स्टॉप क्लॉक नवीन नियमामुळे आता सामने वेळेत संपायला मदत होणार आहे.

काय आहे नवीन Stop Clock Rule आहे तरी काय, जाणून घ्या...

क्रिकेटच्या सामन्यांत सर्वात जास्त वेळ खर्च होतो तो, दोन षटकांमधील ब्रेकमध्ये. कारण दोन षटकांतील ब्रेकमध्ये बराच वेळ जातो आणि त्यामुळे सामना नियोजित वेळेत संपू शकत नाही. पण आता तसे होणार नाही. कारण आता Stop Clock Rule हा नवीन नियम टी-२० वर्ल्ड कपमध्ये आपल्याला पाहायला मिळणार आहे. या नियमात गोलंदाजी करणाऱ्या संघाच्या कर्णधाराला लवकर निर्णय घ्यावा लागणार आहे. कारण आता दोन षटकांमध्ये त्याला फक्त ६० सेकंद एवढाच वेळ मिळणार आहे. एक षटक संपल्यावर दुसरे षटक सुरु करण्यासाठी गोलंदाजी करणाऱ्या संघाला आता फक्त ६० सेकंद एवढा वेळ असेल. जर या निर्धारीत वेळेत दुसरे षटक सुरु झाले नाही तर आयसीसी त्यांच्यावर कारवाई करू शकते. हा नियम आता टी-२० क्रिकेटबरोबर वनडे क्रिकेटमध्येही अंमलात आणला जाणार असल्याचे स्पष्ट करण्यात आले आहे.

अटीतटीच्या लढतीत बऱ्याचदा पुढचे षटक कोणाला द्यायचे, यासाठी बराच वेळ जात असल्याचे पाहायला मिळाले होते. कारण प्रत्येक षटक हे महत्वाचे असते आणि त्याचबरोबर कोणत्या गोलंदाजांची किती षटकं बाकी आहेत, याचाही विचार करावा लागतो. पण यावेळी मात्र कर्णधारांना थोडी घाई करावी लागणार आहे. कारण आता त्यांना दुसरे षटक फक्त ६० सेकंदांमध्ये टाकावे लागणार आहे.

आता टी-२० सामन्यात या नवीन नियमामुळे कर्णधारांची धावपळ होते का, याकडे सर्वांचे लक्ष असणार आहे.

2024-03-15T13:32:55Z dg43tfdfdgfd