WPLच्या लाईव्ह सामन्यात आरसीबीच्या खेळाडूला प्रपोज, चाहत्याच्या कृतीनं सर्वांचं लक्ष वेधलं

बेंगळुरू येथील एम चिन्नास्वामी स्टेडियमवर मंगळवार, २८ फेब्रुवारी रोजी गुजरात जायंट्स विरुद्ध रॉयल चॅलेंजर्स बंगलुरू यांच्यात महिला प्रीमियर लीगचा सामना झाला. या सामन्यादरम्यान रॉयल चॅलेंजर्स बंगलुरूच्या एका खेळाडूला एका चाहत्याकडून लग्नाचा प्रस्ताव आला. यावेळीचा एक फोटो सोशल मीडियावर मोठ्या प्रमाणात व्हायरल होत आहे. हा खेळाडू म्हणजे दुसरं कुणी नसून श्रेयांका पाटील आहे. यावरून श्रेयांका पाटीलची चाहत्यांमध्ये किती क्रेज आहे ती दिसून येते.

महिला प्रीमियर लीगच्या सामन्यादरम्यान श्रेयंका पाटीलला एका चाहत्याकडून लग्नाचा प्रस्ताव आला. गुजरात जायंट्सविरुद्धच्या सामन्यात हे दृश्य पहायला मिळाले. गर्दीतील एका चाहत्याने "तू माझ्याशी लग्न करशील का?" असे श्रेयांकाला विचारले. आरसीबीची फलंदाजी चालू असताना या चाहत्याला कॅमेरात दाखवण्यात आले. यानंतर बॅनर पाहून डगआऊटमधील श्रेयंकाच्या सहकाऱ्यांनी हशा पिकवला.

श्रेयंकाचा मोठा चाहतावर्ग आहे हे एका तरुण चाहत्याने तिला पाठवलेल्या संदेशावरूनही दिसून आले. एक तरुण मुलगी बॅनरसह दिसली होती ज्यावर लिहिले होते, “श्रेयंका, तू आरसीबी आणि बेंगळुरूला अभिमानास्पद आहे. आम्ही तुला भेटायला आलो आहोत''. दरम्यान गेल्या मोसमात श्रेयंका आरसीबीसाठी आघाडीची विकेट घेणारी गोलंदाज होती. परंतु या वर्षी, ती तिच्या संघाच्या दोन्ही सामन्यांमध्ये विकेट रहित झाली. तिला फलंदाजीसाठीही पुरेशा संधी मिळाली नाही.

2024-02-28T13:20:00Z dg43tfdfdgfd