अखेर 16 वर्षांनी स्वप्न पूर्ण! RCB च्या कॅप्टनने उचचली ट्रॉफी; पोरींनी इतिहास घडवला
महिला प्रीमियर लीगच्या अंतिम सामन्यात रॉयल चॅलेंजर्स बंगलुरुने दिल्ली कॅपिटल्सवर विजय मिळवला आहे. अंतिम सामन्यात दिल्ली कॅपिटल्सचा ६ विकेटने पराभव केला आहे. याबरोबरच आरसीबीने चॅम्पियन ट्रॉफीवर नाव कोरलं आहे. या विजयानंतर रॉयल चॅलेंजर्स बंगलुरुच्या चाहत्यांची ट्रॉफी जिंकण्याची प्रतिक्षा संपली आहे. रॉयल चॅलेंजर्स बंगळुरूने अनेक वर्षांची कसर भरुन काढली आहे. रविवारी नवी दिल्लीतील अरुण जेटली स्टेडियमवर महिला प्रीमियर लीगच्या दुसऱ्या सत्रात दिल्ली कॅपिटल्सचा आठ गडी राखून पराभव करत फ्रँचायझी लीगमध्ये पहिले विजेतेपद पटकावले आहे.
सामन्याबद्दल बोलायचे झाल्यास, प्रथम फलंदाजी करताना दिल्ली कॅपिटल्सचा संपूर्ण संघ १८.३ षटकांत ११३ धावांत आटोपला. दिल्लीकडून शेफाली वर्माने सर्वाधिक ४४ (२७) धावा केल्या. या खेळीत तिने २ चौकार आणि ३ षटकार मारले. कर्णधार मेग लॅनिंगने २३ चेंडूंत ३ चौकारांच्या मदतीने २३ धावांचे योगदान दिले. शेफाली आणि लॅनिंग यांनी पहिल्या विकेटसाठी ६४ (४३) धावांची भागीदारी करून संघाला चांगली सुरुवात करून दिली. मात्र, इतर कोणताही फलंदाज जास्त वेळ क्रीझवर टिकू शकला नाही. आरसीबीकडून श्रेयंका पाटीलने सर्वाधिक ४ बळी घेतले. सोफी मोलिनक्सने ३ बळी घेतले. आशा शोभनाने २ बळी घेतले.
त्यानंतर रॉयल चॅलेंजर्स बंगळुरू संघाने १९.३ षटकात २ गडी गमावून ११५ धावा करत अंतिम सामना जिंकला. बेंगळुरूकडून एलिस पेरीने सर्वाधिक धावा केल्या. एलिस पेरीने आरसीबीकडून ३५ धावांची नाबाद खेळी खेळली. त्यांच्याशिवाय सोफी डिव्हाईनने ३२ आणि कर्णधार स्मृती मानधना ३१ धावा खेळल्या. रिचा घोषने १४ चेंडूत २ चौकारांच्या मदतीने १७ धावा केल्यानंतर नाबाद राहिली. दिल्लीकडून शिखा पांडे आणि मिन्नू मणी यांनी प्रत्येकी एक विकेट घेतली.
2024-03-17T17:08:34Z dg43tfdfdgfd