आयपीएलमध्ये हैदराबादने रचला इतिहास, आरसीबीची धुलाई करत रचली सर्वाधिक धावसंख्या

बेंगळुरु : ट्रेव्हिस हेडचे तुफानी शतकाच्या जोरावर सनरायझर्स हैदराबादच्या संघाने आयपीएलमध्ये इतिहास रचला. कारण यापूर्वी आयपीएलमध्ये एवढी धावसंख्या कोणत्याही संघाला रचता आली नव्हती. हेडचे शतक आणि हेन्रीच क्लासिन यांच्या अर्धशतकाच्या जोरावर सनरायझर्स हैदराबादच्या संघाने आयपीएलच्या इतिहासातील सर्वाधिक २८७ धावांची नोंद केली. त्यामुळे आता आरसीबीचा संघ २८८ धावांचा यशस्वी पाठलाग करणार का, याकडे सर्वांचे लक्ष लागलेले असेल.

हेड आणि अभिषेक शर्मा यांनी आठ षटकांमध्ये संघाला शंभरी ओलांडून दिली. पण नवव्या षटकात अभिषेक बाद झाला. अभिषेकने यावेळी २२ चेंडूंत ३४ धावा केल्या. अभिषेक बाद झाला तरी हेड मात्र आरसीबीच्या गोलंदाजांचा चांगलाच समाचार घेत होता. हेड यावेळी आरसीबीच्या गोलंदाजांची पिसे काढत असल्याचे पाहायला मिळाले. कारण हेडने यावेळी सर्वांना आपल्या फटकेबाजीच्या जोरावर मैदानाचे चौफेर दर्शन घडवले. हेडने यावेळी ३९ चेंडूंत आपले शतक पूर्ण केले. पण शतक झळकावल्यावर हेड जास्त काळ खेळू शकला नाही, पण त्याने आपले काम चोख बजावले. हेडने यावेळी ४१ चेंडूंत ९ चौकार आणि आठ षटकारांच्या जोरावर १०२ धावांची तुफानी खेळी साकारली. आयपीएलमधील हे सर्वात जलद चौथ्या क्रमांकाचे शतक ठरले. हेडने यावेळी ४१ चेंडूंत ९ चौकार आणि ८ षटकारांच्या जोरावर १०२ धावांची खेळी साकारली. हेडने यावेळी ९ चौकारांच्या मदतीने ३६ केल्या तर आठ षटकारांच्या जोरावर ४८ धावा जमवल्या. त्यामुळे हेडने यावेळी १७ चेंडूंत ९४ धावा मिळवल्याचे पाहायला मिळाले. हेडची खेळी ही हैदराबादसाठी गेम चेंजर ठरली.

हेड बाद झाला आणि त्यानंतर हेन्रीच क्लासिननेही धमाकेदार फलंदाजी केली. क्लासिनने यावेळी ३१ चेंडूूंत २ चौकार आणि सात षटकारांच्या जोरावर ६७ धावांची खेळी साकारली. त्यामुळे हैदराबादची धावगती अजून वाढली. या सामन्यात २२ षटकारांचा पाऊस हैदाराबादच्या संघाने पाडल्याचे पाहायला मिळाले, हादेखील एक विक्रम आहे.

हैदराबादचा संघ यावेळी हेडमुळे भन्नाट फॉर्मात असल्याचे पाहायला मिळत आहे. त्यामुळे आता हा सामना हैदराबादचा संघ जिंकणार की नाही, याकडे सर्वांचे लक्ष लागलेले असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-15T16:06:31Z dg43tfdfdgfd