इशान आणि सूर्यकुमारची झंझावाती खेळी! आरसीबीने मुंबईसमोर गुडघे टेकले

मुंबई : इंडियन प्रीमियर लीग २०२४ मध्ये हार्दिक पंड्याच्या नेतृत्वाखाली मुंबई इंडियन्सने सलग दुसरा विजय मिळवला आहे. गुरुवारी ११ एप्रिल रोजी मुंबई इंडियन्सने रॉयल चॅलेंजर्स बंगळुरूचा वानखेडे स्टेडियमवर ७ गडी राखून पराभव केला. १९७ धावांच्या लक्ष्याचा पाठलाग करताना एमआय संघाने १५.३ षटकात १९९-३ धावा करून विजय मिळवला.

वेगवान गोलंदाज जसप्रीत बुमराह, स्टार फलंदाज इशान किशन तसंच सूर्यकुमार यादव मुंबईच्या विजयाचा हिरो ठरला. बुमराहने ५ विकेट घेत आरसीबीचा पराभव केला. यानंतर ईशान आणि सूर्याने अर्धशतकं झळकावून विजय मिळवला.

मुंबईसाठी सलामीवीर फलंदाज इशान किशनने ६९ (३४) आणि सूर्यकुमार यादवने ५२ (१९) धावांची शानदार खेळी करत संघाला शानदार विजय मिळवून दिला. या आयपीएलमधील मुंबईचा हा दुसरा विजय आहे, तर आरसीबीचा हा पाचवा पराभव आहे.

दरम्यान, नाणेफेक गमावून प्रथम फलंदाजी करताना आरसीबीने २० षटकांत १९६-८ धावांची मजबूत धावसंख्या उभारली. ज्यात कर्णधार फाफ डुप्लेसिस ६१ (४०), रजत पाटीदार ५० (२६) आणि अखेरीस दिनेश कार्तिकच्या नाबाद ५३ (२३) च्या धमाकेदार खेळीचा समावेश आहे.

मुंबई इंडियन्सचा वेगवान गोलंदाज जसप्रीत बुमराहने घातक गोलंदाजी करत ५ बळी घेतले. बुमराहला त्याच्या अप्रतिम खेळासाठी (५-२१ विकेट्स) सामनावीराचा किताबही मिळाला. हा विजय मुंबई इंडियन्ससाठी खूप खास आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-11T18:17:09Z dg43tfdfdgfd