ऋषभ पंतचं डोकं ठिकाणावर आहे का, बाद झाल्यावर रागाच्या भरात काय केलं पाहा व्हिडिओ....

नवी दिल्ली : ऋषभ पंतने आयपीएलमध्ये पुनरामगन केलं असलं तरी त्याचं डोकं ठिकाणावर आहे का, अशी चर्चा सध्याच्या घडीला क्रिकेट विश्वात सुरु झाली आहे. कारण राजस्थानच्या सामन्यात बाद झाल्यावर पंतला राग अनावर झाला होता. त्यावेळी पंतने रागाच्या भरात एक लाजीरवाणं कृत्य केलं. या गोष्टीचा व्हिडिओ सध्याच्या घडीला चांगलाच व्हायरल झाला आहे.

पंत अपघातानंतर प्रथमच आयपीएलमध्ये खेळायला आला आहे. त्याचबरोबर काही दिवसांनंतर टी-२० वर्ल्ड कपसाठी भारताचा संघ निवडला जाणार आहे. या संघात पंत जागा मिळवेल, असा बराच जणांना विश्वास आहे. पण मैदानात मात्र पंतकडून चांगली कामगिरी होत नसल्याचे पाहायला मिळत आहे. त्यामुळेच कुठेतरी पंत रागाच्या भरात असल्याचे समोर आले आहे. रागाच्या भरात पंतने नेमकं काय केलं, याचा व्हिडिओ चांगलाच व्हायरल झाला आहे.

नेमकं घडलं तरी काय, जाणून घ्या...

दिल्ली आणि राजस्थान यांच्यातील सामना चांगलाच रंगतदार अवस्थेत होता. यावेळी कोणता संघ सामना जिंकेल, हे सांगता येत नव्हते. त्यावेळी ऋषभ पंत जहा मैदानात होता आणि ट्रीस्टान स्टब्स हे दोघेही दमदार फलंदाजी करत होते. त्यामुळे दिल्लीचा संघ आपला पहिला विजय मिळवू शकतो, असे म्हटले जात होते. पण त्याचवेळी युजवेंद्र चहलच्या गोलंदाजीवर पंत एक मोठा फटका मारण्यासाठी गेला आणि त्याची मोठी चूक झाली. कारण यावेळी त्याचे टायमिंग चुकले. त्यामुळे चेंडूने पंतच्या बॅटची कडा घेतली आणि तो यष्टीरक्षक संजू सॅमसनच्या हातात विसावला. मोक्याच्या क्षणी जेव्हा दिल्लीच्या संघाला त्याची गरज होती तेव्हा ऋषभ पंत बाद झाला होता. यावेळी दिल्लीचे चाहतेही निराश झाले. पंतने मैदानात आपली नाराजी दाखवली नाही, पण मैदानाच्या बाहेर गेल्यावर मात्र त्याने आपला राग काढला.

पंत मैदानाबाहरे गेला आणि रागाच्या भरात त्याने आपली बॅट साइड स्क्रीनवर आपटल्याचे पाहायला मिळाले. पंत हा दिल्लीचा कर्णधार आहे. ज्याची तुलना महेंद्रसिंग धोनीबरोबर केली जात होती. पण धोनीसारखा खेळाडू कधीही एवढा भडकला नाही. त्याचबरोबर एका क्रिकेटपटूला हे कृत्य शोभणारं नक्कीच नाही, त्यामध्ये तर पंतहा संघाचा कर्णधार आहे. जर कर्णधारच असा वागत असेल तर तो संघापुढे कोणता आदर्श ठेवणार, हा सर्वात मोठा प्रश्न आता चाहत्यांना पडला आहे. त्यामुळे चाहते जेव्हा पंत बाद झाला त्यापेक्षा त्याच्या या लाजीरवाण्या कृत्यावर जास्त नाराज असल्याचे पाहायला मिळत आहे.

पंत आतापर्यंत आयपीएलमध्ये दोन सामने खेळला आणि दोन्ही सामन्यांत तो मोक्याच्या क्षणी बाद झाल्याचे पाहायला मिळाले आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-03-29T08:21:03Z dg43tfdfdgfd