कुलदीप यादवने हा भन्नाट चेंडू कोणालाच कळला नाही, बॉल ऑफ दी ईयरचा व्हिडिओ पाहा...

धरमशाला : भारत आणि इंग्लंड यांच्यातील पाचव्या सामन्यात कुलदीप यादवने एक असा भन्नाट चेंडू टाकला की तो कोणालाच समजला नाही. कारण हा चेंडू १०.९ डीग्रीमध्ये वळल्याचे पाहायला मिळाले. त्यामुळे हा चेंडू या वर्षातील सर्वोत्तम असल्याचे म्हटले जात आहे. या गोष्टीचा व्हिडिओ सध्याच्या घडीला चांगलाच व्हायरल झाला आहे.

ही गोष्ट घडली ती ३८ व्या षटकात. त्यावेळी इंग्लंडचा सलामीवीर झॅक क्राऊली हा भन्नाट फटकेबाजी करत होता. झॅकने अर्धशतक झळकावले होते आणि तो शतकाच्या दिशेने कूत करत होता. यावेळी जर झॅकला बाद केले नाही तर तो भारतावर भारी पडेल, असे स्पष्ट दिसत होते. त्यावेळी कुलदीप यादव हा संघाच्या मदतीसाठी धावून आला. या ३८ व्या षटकाच्या दुसऱ्या चेंडूवर झॅक हा मोठा फटका मारण्यासाठी पुढे आला होता. पण त्यावेळी कुलदीपने एक असा भन्नाट चेंडू टाकला की, झॅकला तो समजलाच नाही. झॅक चेंडू मारण्यासाठी पुढे आला होता.

झॅक चेंडू मारायला पुढे आला खरा, पण त्याला चेंडू समजलाच नाही. कारण चेंड़ू हा चांगलाच वळलेला होता. त्यामुळे चेंडू मारायला आपल्याला जमणार नाही, हे झॅकला समजले होते. त्यामुळे झॅक हा मागे क्रिझमध्ये परतण्यासाठी जात होता. पण चेंडू एवढ्या वेगाने वळला की, तो थेट स्टम्पवर आदळल्याचे पाहायला मिळाले. या चेंडूचा वेग एक तर चांगलाच होता. दुसरीकडे हा चेंडू ज्या पद्धतीने वळला तो कोणालाच कळला नाही. हा चेंडू १०.९ डिग्रीमध्ये वळल्याचे त्यानंतर दाखवण्यात आले. पण त्यावेळी मैदानात नेमकं काय घडलं होतं, ते कोणालाच समजलं नव्हतं. त्यामुळे हा भन्नाट चेंडू कायम लक्षात राहील.

कुलदीप यादवने यावेळी इंग्लंडच्या डावाचे चांगलेच कंबरडे मोडले. कारण भारताने जे सहा विकेट्स मिळवले त्यामधील पाच बळी हे कुलदी यादवचे होते. त्यामुळे यादवच्या अचूक गोलंदाजीच्या जोरावर भारताने इंग्लंडला पिछाडीवर ढकलले होते.

2024-03-07T08:26:00Z dg43tfdfdgfd