केवळ २९ बॉल्समध्ये ठोकले झंझावती शतक, या खेळाडूच्या आगमनाच्या चर्चेमुळे दिल्ली कॅपिटल्स संघात आनंदाची लाट

ऋषभ पंत आयपीएलमध्ये पुनरागमन करेल अशी अधिकृत घोषणा झाली आहे. यामुळे दिल्ली संघ पूर्वीपेक्षा अधिक मजबूत दिसेल. दिल्लीने आयपीएल लिलावात ४ कोटी रुपयात संघाने विकत घेतलेल्या हॅरी ब्रुकने वैयक्तिक कारणांमुळे स्पर्धेतून आपले नाव माघारी घेतले आहे. या परिस्थितीत आता दिल्लीला लवकरात लवकर फलंदाजाची जागा शोधावी लागणार आहे. मीडिया रिपोर्ट्सनुसार दिल्ली आता या खेळाडूला संघात दाखल करू शकते. दिल्ली फ्रँचायझी हॅरी ब्रूकच्या जागी ऑस्ट्रेलियाच्या जेक फ्रेझर-मॅकगर्कचा समावेश करण्याचा विचार करत आहे. फ्रेझर-मॅकगर्क दिल्लीचा ऑस्ट्रेलियन वेगवान गोलंदाज जे रिचर्डसनची जागा घेऊ शकतो तो बऱ्याच काळापासून दुखापतग्रस्त आहे.

२९ चेंडूत झळकावले शतक२१ वर्षीय क्रिकेटपटू फ्रेजर-मैकगर्कने ऑस्ट्रेलियाकडून वेस्ट इंडीजविरुद्ध ऑस्ट्रेलिया संघाकडून पदार्पण केले. या मालिकेत त्याने दोन सामने खेळले आहेत. तस्मानिया विरुद्धच्या होम वनडे मालिकेत केवळ २९ चेंडूंमध्ये शतक झळकावून लिस्ट A मधील ख्रिस गेलचा विक्रम मोडला आहे. . तसेच, याव्यतिरिक्त फ्रेझर-मॅकगर्कने बिग बॅश लीगमध्ये मेलबर्न रेनेगेड्स आणि आंतरराष्ट्रीय टी२० लीगमध्ये दुबई कॅपिटल्सकडून खेळला आहे. ३७ टी-२० सामन्यांमध्ये त्याने तीन अर्धशतकांसह ६४५ धावा केल्या आहेत.

स्फोटक फलंदाजी तस्मानियाच्या ४३६ धावांच्या विशाल लक्ष्याचा पाठलाग करताना दक्षिण ऑस्ट्रेलियासाठी सलामी देताना फ्रेजरने डावाच्या नवव्या षटकात आपले शतक पूर्ण केले, ज्यामध्ये १० चौकार आणि १३ षटकारांचा समावेश होता. शतकापर्यंतचा त्याचा थरारक प्रवास आणि तुफान फटकेबाजी त्याच्या कौशल्याचा आणि धाडसी स्ट्रोक-प्लेचा पुरावा होता.

हॅरी ब्रूक यामुळे बाहेरआयपीएल २०२४ च्या लिलावादरम्यान दिल्लीने हॅरी ब्रूकला ४ कोटी रुपयांना विकत घेतले होते.मागील हंगामात सनरायझर्स हैदराबादसाठी अत्यंत निराशाजनक कामगिरीनंतर फ्रँचायझीने त्याला लिलावापूर्वी संघाबाहेर केले. ब्रूकने हैदराबादसाठी ११ सामन्यात १९० धावा केल्या होत्या, ज्यामध्ये नाबाद शतकाचाही समावेश होता. हॅरी ब्रूक हा कर्णधार बेन स्टोक्स आणि प्रशिक्षक ब्रेंडन मॅक्युलम यांचा इंग्लंडच्या बॅज बॉल क्रिकेट शैलीतील विशेष खेळाडूंपैकी एक आहे.

2024-03-14T05:44:20Z dg43tfdfdgfd