गुजरातला साई पावले... पंजाबला धुळ चारत साकारला दमदार विजय

मोहाली : गुजरात टायटन्सच्या विजयात 'साईं'ची भूमिका यावेळी सर्वात महत्वाची ठरली. त्यामुळेच गुजरातच्या संघाला यावेळी पंजाब किंग्सवर ३ विकेट्स राखून दमदार विजय नोंदवता आला. गुजरातच्या साई किशोरने पंजाबच्या शशांक सिंग आणि आशुतोष शर्मासारख्या महत्वाच्या खेळाडूंसह एकूण चार बळी मिळवले. त्यामुळेच गुजरातच्या संघाला या सामन्यात पंजाबला १४२ धावांत ऑल आऊट करता आले. त्यानंतर फलंदाजीत साई सुदर्शनेही ३१ धावांची महत्वपूर्ण खेळी साकारली. त्यामुळे या दोन्ही साईंच्या जोरावर गुजरातच्या संघाने पंजाबवर विजय साकारला.

पंजाबच्या १४३ धावांचा पाठलाग करताना गुजरातची चांगली सुरुवात झाली होती. कर्णधार शुभमन गिलने ३५ धावा केल्या खऱ्या, पण मोठा फटका मारताना तो बाद झाला. त्यानंतर साई सुदर्शनने ३१ धावा करत गुजरातच्या धावसंख्येत मोलाची भर घातली. साई बाद झाला आणि त्यानंतर पंजाबने गुजरातच्या धावसंख्येवर अंकुश ठेवण्याचे काम काही वेळ केले. पण त्यानंतर राहुल तेवातियाने संघाची जबाबदारी आपल्या खांद्यावर घेतली आणि गुजरातच्या विजयावर शिक्कामोर्तब केले. तेवातियाने यावेळी १८ चेंडूंत नाबाद ३६ धावांची मौल्यवान खेळी साकारली.

पंजाबच्या संघाला यावेळी झोकात सुरुवात दिली ती सलामीवीर प्रभसिमरन सिंगने. कारण त्याने २१ चेंडूंत तीन चौकार आणि तीन षटकारांंच्या जोरावर ३५ धावांची तुफानी खेळी साकारली. पण तो बाद झाला आणि पंजाबचा डाव गडगडला. कारण पंजाबची निब नाद ५२ अशी चांगली स्थिती होती. पण त्यानंतर मात्र त्यांचा संघ १४२ धावांत ऑल आऊट झाल्याचे पाहायला मिळाले. गुजरातच्या साई किशोरने यावेळी पंजाबच्या खेळाडूंना चांगलेच नाचवले. साईने यावेळी पंजाबच्या शशांक सिंग आणि आशुतोष शर्मा या दोन्बी महत्वाच्या खेळाडूंना बाद केले. साईने त्याचबरोबर जितेश शर्मा आणि हरप्रीत ब्रार यांनाही तंबूचा रस्ता दाखवला. साईने पंजाबच्या धावसंख्येला खीळ बसवली आणि त्यामुळेच त्यांना १४२ धावांत गुजरातला गुंडाळता आले. साईने यावेळी चार षटकांत ३३ धाव देत सर्वाधिक चार बळी मिळवले.

साई किशोरला यावेळी मोहित शर्माने चांगली साथ दिली. मोहित शर्माने यावेळी दोन बळी मिळवले.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-21T18:00:28Z dg43tfdfdgfd