चेन्नईच्या संघात मॅचविनर खेळाडूची एंट्री, ऋतुराजने टीममध्ये केला फक्त एकमेव मोठा बदल

चेन्नई : गुजरातच्या संघाने यावेळी टॉस जिंकला आणि त्यांनी प्रथम गोलंदाजी करण्याचा निर्णय घेतला. त्यामुळे चेन्नईचा संघ प्रथम फलंदाजीला येणार आहे. या सामन्यात चेन्नईच्या संघात एकमेव मोठा बदल करण्यात आल्याचे ऋतुराज गायकवाडने सांगितले.

चेन्नईच्या संघाने यावेळी गुजरातच्या सामन्यासाठी एकमेव मोठा बदल केला आहे. या सामन्यासाठी त्यांनी महीश तीक्षणाला विश्रांती देण्याचा निर्णय घेतला आहे. त्याच्या जागी यावेळी चेन्नई सुपर किंग्स्च्या मलिंगाला संधी देण्यात आली आहे. या सामन्यासाठी वेगवान गोलंदाज पथिराणाला संघात स्थान देण्यात आले आहे.

गतविजेता चेन्नई सुपर किंग्ज आणि उपविजेता गुजरात टायटन्स संघ मंगळवारी आयपीएल क्रिकेट स्पर्धेत आमनेसामने येत असून, गुजरातविरुद्धच्या गेल्या दोन लढती जिंकणारा चेन्नई संघ हॅट्‌‌ट्रिकसाठी उत्सुक आहे. आतापर्यंत दोन्ही संघांत पाच सामने झाले आहेत, या पाचपैकी तीन सामन्यांत गुजरातचा विजय झाला आहे. या पाचपैकी एकाच सामन्यात प्रथम फलंदाजी केलेला संघ विजयी ठरलेला आहे.

आतापर्यंत चेन्नईच्या गुजरातविरुद्धच्या सर्वाधिक धावा १७८ एवढ्या आहेत तर नीचांक १३३ धावांचा आहे. धावांच्या बाबतीत गुजरात हा वरचढ ठरलेला पाहायला मिळतो. कारम गुजरातच्या चेन्नईविरुद्धच्या सर्वाधिक धावा २१४ एवढा आहेत तर नीचांक १३७ धावा आहेत. घरच्या मैदानावरील गुजरातविरुद्धच्या एकमेव लढतीत चेन्नईचा विजय झालेला आहे. चेन्नईने घरच्या मैदानावरील ६५पैकी ४६ सामने जिंकले आहेत. त्यात प्रथम फलंदाजी करताना २९ सामन्यांत ते विजयी ठरलेले आहेत.

चेन्नईचा युवा कर्णधार ऋतुराज गायकवाडच्या गुजरातविरुद्ध एकूण ३०४ धावा, त्यात ९२ सर्वाधिक धावा आहेत. ऋतुराजचाच चेन्नईकडून सर्वाधिक २३ चौकार आणि १७ षटकार मारण्याचा पराक्रम आहे. दुसरीकडे गुजरातच्या संघाचाा विचार केला तर वृद्धिमान साहाने गुजरातकडून एकूण सर्वाधिक १६९ धावा केल्या आहेत. पण दुसरीकडे शुभमन गिलचे चेन्नईविरुद्ध सर्वाधि एकूण २० चौकार आहेत. यावेळी डेव्हिड मिलर, साई सुदर्शन आणि रशीद खानचे यांनाही विसरून चालणार नाही. कारण या तिघांनाही आतापर्यंत दमदार कामगिरी केली आहे.

आजचा सामना

चेन्नई वि. गुजरात

ठिकाण ः एम. ए. चिदंबरम स्टेडियम, चेपॉक, चेन्नई

प्रक्षेपण ः आज संध्याकाळी ७.३० पासून स्टार स्पोर्टस आणि जिओ सिनेमा

स्पर्धेतील कामगिरी ः चेन्नई आणि गुजरातचा प्रत्येकी एक विजय

हवामानाचा अंदाज ः कमालीचा उकाडा खेळाडूंचा कस पाहणार

खेळपट्टीचा अंदाज ः पूर्णपणे फलंदाजीस अनुकूल

2024-03-26T13:59:37Z dg43tfdfdgfd