दोन सामने खेळा आणि करोडपती व्हा, बीसीसीआयची भारतीय क्रिकेटपटूंसाठी मोठी घोषणा...
नवी दिल्ली : बीसीसीआयने आता भारताच्या खेळाडूंसाठी एक भन्नाट योजना आणली आहे. या योजनेनुसार भारतीय क्रिकेटपटूंनी फक्त दोन सामने खेळले तर ते आता करोडपती होणार आहेत. भारताने पाचव्या कसोटी सामन्यात दमदार विजय साकारला. त्यानंतर बीसीसीआयने ही मोठी घोषणा केली आहे.
भारताने पाचवा कसोटी सामना जिंकला. या मालिकेत त्यांनी ४-१ असा दणदणीत विजय मिळवला. हा विजय पाहण्यासाठी बीसीसीआयचे सचिव जय शाह उपस्थित होते. भारताने हा कसोटी सामना जिंकला आणि त्यानंतर जय शाह यांनी एक मोठी घोषणा केली आहे. भारताच्या कसोटी संघासाठी बीसीसीआयने आता आयपीएलपेक्षा भन्नाट स्कीम आणली आहे. त्यामुळे आता भारताच्या क्रिकेटपटूंनी सामना खेळला नाही तरी त्यांना चांगले पैसे कमावता येणार आहेत. प्रत्येक कसोटी सामन्यासाठी भारतीय खेळाडूला १५ लाख रुपये एवढी रक्कम मिळत असते. हे १५ लाख तर खेळाडूला मिळतील, पण त्याचबरोबर या योजनेतील अन्य रक्कमही खेळाडूंना मिळणार आहे.
बीसीसीआयने आता एक नवीन योजना आणली आहे. एका वर्षात भारतीय संघ ९ कसोटी सामने खेळतो, असे बीसीसीआयने ग्राह्य धरले आहे. या ९ कसोटी सामन्यांपैकी जर एखादा खेळाडू ५ किंवा ६ सामने खेळला तर त्यांना या विशेष योजनेचा लाभ मिळणार आहे. जर एखादा खेळाडू ५ किंवा ६ सामने playing xi मध्ये खेळला तर त्याला ३० लाख रुपये प्रत्येक सामन्यासाठी मिळतील. पण हा जर एखादा खेळाडू ५ किंवा ६ सामने संघात असेल पण त्याला खेळण्याची संधी मिळाली नाही तर त्याला प्रत्येक सामन्यासाठी १५ लाख रुपये मिळणार आहे. एका वर्षात जो खेळाडू ७ पेक्षा जास्त सामने खेळेले, त्याच्यासाठी तर ही रक्कम चांगलीच वाढवण्यात आली आहे.
बीसीसीआयची ही योजना खेळाडूंना कसोटी क्रिकेट खेळण्यासाठी प्रेरणा देणारी ठरणार आहे.
2024-03-09T11:16:43Z dg43tfdfdgfd