धोनीला चेन्नईच्या खेळाडूवर भरवसा नाही का, सामना सुरु असताना माघारी धाडलं पाहा काय घडलं

चेन्नई : महेंद्रसिंग धोनी सध्याच्या घडीला आयपीएलमध्ये चांगलाच प्रसिद्धी मिळवतो आहे. पण धोनीचा चेन्नईच्या खेळाडूवर विश्वास नसल्याचेच यावेळी चाहत्यांनी म्हटले आहे. कारण सामना सुरु असताना धोनीने आपल्या संघातील खेळाडूला माघारी धाडल्याचे पाहायला मिळाले. या गोष्टीचा व्हिडिओ सध्याच्या घडीला चांगलाच व्हायरल झाला आहे.

ही गोष्ट घडली ती २० व्य षटकात. त्यावेळी पंजाब किंग्सचा अर्शदीप सिंग हा गोलंदाजी करत होता, तर महेंद्रसिंग धोनी हा त्याचा सामना करत होता. या षटकाच्या पहिल्या चेंडूवर धोनीने चौकार वसूल केला होता. पण तिसऱ्या चेंडूवर चांगलीच गंमत घडल्याचे पाहायला मिळाले. अर्शदीपने धोनीला ऑफ स्टम्पच्या लाईनमध्ये चेंडू टाकला. धोनीने तो भिरकावला. पण धोनीचे यावेळी टायमिंग चुकले त्यामुळे हा चेंडू सीमारेषेच्या पार जाऊ शकला नाही. हा चेंडू पंजाबच्या खेळाडूच्या समोरच पडला. धोनीने जेव्हा चेंडू मारला तेव्हा त्याच्यासमोर चेन्नईचा डॅरिल मिचेल नॉन स्ट्राइकला उभा होता. धोनीने फटका मारल्यावर मिचेल धाव घेण्यासाठी धावत निघाला.

धोनीही काही पावले पुढे आले. पण त्याचवेळी धोनीला दोन धावा मिळणार नाहीत आणि आपल्याकडून स्ट्राइक जाईल, असे वाटले. त्यामुळे धोनीने मिचेलला माघारी धाडले. त्यावेळी मिचेल हा धोनीपर्यंत धावत गेला होता. धोनीने यावेळी मिचेलला माघारी धाडले. मिचेल धोनीपर्यंत पोहोचला होता. त्यामुळे मिचेल बाद होण्याची भिती होती. पण धोनीने स्वत: न धावता मिचेलला माघारी धाडले. सुदैवाने मिचेल धावचीत होण्यापासून वाचला. त्यानंतर धोनी स्वार्थी असल्याचे चाहत्यांनी म्हणायला सुरुवात केली.

धोनीने यावेळी आपल्याकडेच स्ट्राइक ठेवली. त्यानंतरच्या चेंडूवर धोनीला एकही धाव काढता आली नाही. त्यानंतर पाचव्या चेंडूवर धोनीने षटकार मारला. पण अखेरच्या चेंडूवर धोनी बाद झाला. एकंदरीत धोनीला यावेळी लौकिकाला साजेशी फलंदाजी करता आली नाही. धोनीने मिचेलला माघारी पाठवल्यावर २-३ मोठे फटके मारले असते तर चाहत्यांनी त्याला ट्रोल केले नसते. पण यानंतर धोनीला सोशल मीडियावर जोरदार ट्रोल केले जात होते.

धोनीचा चाहता वर्ग मोठा आहे. पण धोनीने चेन्नईच्या सामन्यात जे मिचेलबरोबर केले ते किती योग्य होते, याची जोरदार चर्चा रंगली आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-02T02:49:46Z dg43tfdfdgfd