धोनीही झाला सुपरमॅन कॅचचा चाहता, व्हिडिओमध्ये पाहा मैदानात नेमकं घडलं तर काय...

विशाखापट्टणम : महेंद्रसिंग धोनीचे चाहते भरपूर आहेत. पण चेन्नई आणि दिल्ली यांच्यातील सामन्यात धोनी एका खेळाडूचा चाहता बनल्याचे पाहायला मिळाले. या सामन्यात एका खेळाडूने सुपरमॅनसारखा सूर लगावत झेल पकडल्याचे पाहायला मिळाले. या गोष्टीचा व्हिडिओ सध्याच्या घडीला क्रिकेट विश्वात चांगलाच व्हायरल झाला आहे.

ही गोष्ट घडली ती १० व्या षटकात. त्यावेळी चेन्नईचा मिस्ताफिझूर रेहमान हा गोलंदाजी करत होता. त्यावेळी डेव्हिड वॉर्नर हा भन्नाट फॉर्मात होता आणि त्याने अर्धशतकही पूर्ण केले होते. या षटकाच्या दुसऱ्या चेंडूवर वॉर्नर सामना करत होता. वॉर्नरने या दुसऱ्या चेंडूवर रिव्हर्स स्विप मारण्याचा प्रयत्न केला. पण त्याचे टायमिंग यावेळी चुकले आणि त्याला मोठा फटका मारता आला नाही. त्यावेळी चेंडूने वॉर्नरच्या बॅटची कडा घेतली आणि तो चेंडू हवेत उडाला. पण हा चेंडू कोणत्याही खेळाडूला टिपता यईल, असे वाटत नव्हते. पण यावेळी चेन्नईच्या मथीषा पथिराणाने कमाल केली. पथिराणाने यावेळी हवेत सूर लगावला. हवेत असतानाच त्याने एका हातात अफलातून झेल पकडल्याचे पाहायला मिळाले. चेन्नईच्या संघाला आतापर्यंत यश मिळाले नव्हते. पण पथिराणाच्या या भन्नाट कॅचमुळे चेन्नईला पहिले यश मिळाले. त्यावेळी धोनी हा पथिराणावर चांगलाच खूष झाल्याचे पाहायला मिळाले आणि त्या गोष्टीचा व्हिडिओ व्हायरल झाला. वॉर्नरने यावेळी ५२ धावांची दमदार खेळी साकारली.

चेन्नई तिसऱ्या सामन्यात दिल्ली कपिटल्सचा सामना करत आहे. यापूर्वी दोन्ही सामने चेन्नईने जिंकले आहेत. त्यामुळे हा सामना जिंकून त्यांना विजयी हॅट्रीक साजरी करता येऊ शकते. पण या सामन्यात दिल्लीच्या डेव्हिड वॉर्नर आणि पृथ्वी साव या दोन्ही सलामीवीरांनी धमाकेदार सुरुवात करून दिली. वॉर्नर आणि साव यांनी संघाला ९३ धावांची सलामी दिली. यावेळी चेन्नईच्या संघाला विकेटची गरज होती. त्यावेळी चेन्नईचा एक खेळाडू संघासाठी धावून आला आणि त्याने अफालतून झेल पकडत संघाला यश मिळवून दिले. त्यानंतर धोनी या खेळाडूच्या प्रेमातच पडल्याचे पाहायला मिळाले. या गोष्टीचा व्हिडिओ आता चांगलाच व्हायरल झाला आहे.

पथिराणाने यावेळी दमदार झेल पकडला आणि चातेही यावेळी त्याच्या भारी खूष झाल्याचे पाहायला मिळाले.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-03-31T15:41:26Z dg43tfdfdgfd