नो बॉलवर विकेट? आऊट होताच विराटला राग अनावर, कोहलीचा पंचांसोबत वाद, व्हिडिओ व्हायरल

आरसीबी ईडन गार्डन्सवर केकेआरवर दुसरा विजय शोधत आहे. हा सामना या संघासाठी करा किंवा मरो अशी स्थिती आहे. ऑरेंज कॅपधारक विराट कोहली या सामन्यात आपले पूर्ण प्रयत्न करताना दिसला. पण फलंदाजीदरम्यान विराट चिडलेला दिसला. विराटचा राग एवढ्या पातळीवर होता की पॅव्हेलियनच्या दिशेने जाताना कोहली परत आल्यानंतरही अंपायरशी शाब्दिक भांडण करताना दिसला. २२४ धावांच्या लक्ष्याचा पाठलाग करताना आरसीबीची सुरुवात जबरदस्त झाली.

विराट येताच तो गोलंदाजांवर वर्चस्व गाजवताना दिसला. त्याने अवघ्या ६ चेंडूत २ षटकार आणि १ चौकाराच्या मदतीने १८ धावा केल्या होत्या. तिसऱ्या ओव्हरमध्ये बॉल हर्षित राणाच्या हातात होता. त्याने त्याच्या ओव्हरच्या पहिल्याच चेंडूवर कोहलीला फुल टॉस टाकला. विराटने तो सरळ बॅटने खेळला. चेंडू उंच गेला आणि हर्षित राणाने त्याचा झेल घेतला. यावर अंपायरने बोट उचलले. त्यानंतर विराटने नो बॉलचा रिव्ह्यू घेतला. थर्ड अंपायरने दाखवल्यावर चेंडू कंबरेच्या वर असल्याचे दिसले. तरीही निर्णय विराटच्या बाजूने लागला नाही. यानंतर कोहली चांगलाच संतापलेला दिसला. अंपायर आणि कोहली यांच्यात शाब्दिक युद्धही पाहायला मिळाले.

रिप्लेमध्ये, तिसऱ्या पंचाने सांगितले की, हा उच्च फुल टॉस नव्हता कारण विराट त्याच्या क्रीजमधून खेळत होता. तो त्याच्या क्रीजमध्ये असता तर कदाचित तो वाचला असता. यानंतर विराट आणि फॅफ दोघेही खूश दिसत नव्हते. आरसीबीला पहिला धक्का २७ धावांवर बसला. पहिल्यांदा रिप्ले पाहिला तेव्हा सगळ्यांनाच वाटत होतं की तो नो-बॉल आहे. तंत्रज्ञानाचा वापर करून पंचांनी पाहिले की, विराट कोहलीच्या कमरेची उंची जमिनीपासून १.०४ मीटर आहे, परंतु चेंडूची उंची केवळ ०.९२ मीटर आहे. अशा स्थितीत चेंडू कायदेशीर चेंडू ठरला आणि कोहलीला आऊट देण्यात आले. कोहलीने सुरुवातीला मैदान सोडण्यास सुरुवात केली, परंतु नंतर परत येऊन पंचांशी वाद घालण्यास सुरुवात केली.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-21T14:30:06Z dg43tfdfdgfd