फक्त १७ चेंडूंत ८४ धावांचा पाऊस, शतकवीर हेड ठरला आरसीबीसाठी डोकेदुखी

बेंगळुरु : ट्रेव्हिस हेड नावाचं तुफान नेमकं काय आहे, याची अनुभूती IPL 2024 मध्ये पुन्हा एकदा चाहत्यांना आली. कारण हेडने यावेळी आरसीबीच्या गोलंदाजांचं धडाकेबाज फटकेबाजी करत डोकं फिरवलं. हेडने यावेळी आरसीबीच्या गोलंदाजांना घाम फोडला आणि हैदराबादच्या संघाला झंझावाती सुरुवात करून दिली. कारण यावेळी टहेडने शतक तर झळकावलेच, पण त्याने ९४ धावा यावेळी फक्त १७ षटकांत केल्याचे पाहायला मिळाले.

हेडने संघाच्या डावाची सुरुवात धमाकेदार केली. हेडने सुरुवातीपासून आरसीबीच्या गोलंदाजीवर प्रहार करायला सुरुवात केली. हेडने यावेळी २० व्या चेंडूवर चौकार लगावला आणि आपले अर्धशतक पूर्ण केले. हेडने जेव्हा आपले अर्धशतक पूर्ण केले, तेव्हा त्यामध्ये पाच षटकार आणि तीन चौकारांचा समावेश होता. कारण हेडने यावेळी ८ चेंडूंत ४२ धावा केल्याचे पाहायला मिळाले. अर्धशतक पूर्ण केल्यावरही हेड काही थांबण्याचे नाव घेत नव्हता. कारण अर्धशतक पूर्ण केल्यावर हेड नव्याने आरसीबीच्या गोलंदाजीवर तुटून पडत होता.

हेड अर्धशतकानंतर अधिक आक्रमक झाला. कारण अर्धशतकानंतर तो शतकाच्या वेशीपर्यंत कसा पोहोचला, हे कोणालाच समजले नाही. सर्वात महत्वाची गोष्ट म्हणजे हेडने यावेळी चौकार लगावला आणि आपले शतक पूर्ण केले. हेडने यावेळी ३९ चेंडूंत आपले शतक साजरे केले. आयपीएलमधील हे सर्वात जलद चौथ्या क्रमांकाचे शतक ठरले. हेडने यावेळी ४१ चेंडूंत ९ चौकार आणि ८ षटकारांच्या जोरावर १०२ धावांची खेळी साकारली. हेडने यावेळी ९ चौकारांच्या मदतीने ३६ केल्या तर आठ षटकारांच्या जोरावर ४८ धावा जमवल्या. त्यामुळे हेडने यावेळी १७ चेंडूंत ९४ धावा मिळवल्याचे पाहायला मिळाले. त्यामुळे यावेळी हेडच्या या शतकाने हैदराबादच्या संघाला चांगलीच उभारी मिळाली.

हेडने यावेळी धमाकेदार फटकेबाजी केली आणि आरसीबीच्या गोलंदाजीची हवाच काढली. कारण एकाही आरसीबीच्या गोलंदाजाला हेडला शतक करण्यापासून रोखता आले नाही. हेडने अर्धशतक आणि शतक हे दोन्ही पल्ले चौकारांच्या मदतीने पूर्ण केले.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-15T15:36:30Z dg43tfdfdgfd