भारताचा अजून एक खेळाडू हॉस्पिटलमध्ये दाखल, रोहित शर्माची चिंता वाढली...

नवी दिल्ली : भारतीय संघाला आता पाचव्या कसोटी सामन्यापूर्वी एक मोठा धक्का बसला आहे. कारण भारताचा अजून एक खेळाडू आता हॉस्पिटलमध्ये दाखल होणार आहे. त्यामुळे आता रोहित शर्माची चिंता वाढेलली आहे.

भारताचा अजून एक खेळाडू आता लंडनला उपचार घेण्यासाठी रवाना झाला आहे. यापूर्वी मोहम्मद शमी हा लंडनमध्ये उपचार घेत आहे. शमीवर यशस्वीपणे शस्त्रक्रीया करण्यात आली आहे. त्यानंतर तो आता आयपीएल खेळणार नाही आणि त्यानंतर टी-२० वर्ल्ड कपही खेळू शकणार नसल्याचे समोर आले आहे. त्यानंतर आता भारताचा अजून एक खेळाडू लंडनमधील हॉस्टिपलमध्ये दाखल होणार आहे. त्यामुळे इंग्लंडविरुद्धच्या पाचव्या कसोटीपूर्वी रोहित शर्माच्या चिंतेमध्ये भर पडणार आहे.

भारतीय संघ जिंकत असला तरी रजत पाटीदार हा चांगल्या फॉर्मात नाही. गेल्या तीन सामन्यांपासून त्याला एकदाही छाप पाडता आलेली नाही. त्यामुळे रजतच्या जागी हा मॅचविनर खेळाडू पाचव्या कसोटीसाठी भारतीय संघात येणार होता. हा खेळाडू पूर्ण फिट झाल्याचेही म्हटले जात होते. पण त्यानंतर आता त्याला लंडनच्या हॉस्पिटलमध्ये उपचार घेण्यासाठी पाठवण्यात आले आहे. त्यामुळे आता रजतच्या जागी कोणाला खेळवायचे हा प्रश्न भारतीय संघापुढे असेल.

लोकेश राहुल हा भारतीय संघात दाखल होणार होता. राहुल हा आहे आणि तो पाचव्या कसोटीत खेळणार असल्याचे म्हटले गेले होते. पण आता त्याची दुखापत आणखी बळावली असल्याचे म्हटले जात आहे. त्यामुळे त्याला लंडनच्या हॉस्पिटलमध्ये पाठवण्यात आले आहे. त्यामुळे आता लोकेश लंडनच्या हॉस्पिटलमध्ये दाखल होणार आहे आणि त्याच्यावर उपचार करण्यात येणार आहेत. त्यामुळे तो भारत आणि इंग्लंड यांच्यातील पाचव्या कसोटी सामन्यात खेळणार नसल्याचे जवळपास स्पष्ट झाले आहे. त्यामुळे रोहितला संघबांधणी करताना आता समस्या जाणवणार आहे.

लोकेश राहुलला पहिल्या कसोटी सामन्यात दुखापत झाली होती. त्यानंतर त्याला राष्ट्रीय क्रिकेट अकादमीमध्ये पाठवण्यात येणार होते. त्यानंतर लोकेश राहुल हा तिसऱ्या कसोटीत खेळेल, असे म्हटले गेले होते. पण राहुल तिसऱ्या तर नाही पण चौथ्या कसोटीही सामन्यात खेळला नाही. आता पाचव्या कसोटीत तो संघात येणार असेही म्हटले गेले होते, पण या सामन्यापूर्वी तो आता उपचार घेण्यासाठी लंडनला रवाना झाला आहे. त्यामुळे तो आता पाचव्या कसोटीत खेळणार नाही. पण आयपीलमध्ये तरी तो खेळणार का, याबाबत संभ्रम आहे.

2024-02-28T07:34:26Z dg43tfdfdgfd