मोहम्मद शमीबाबत बीसीसीआयने दिली मोठी अपडेट, मैदानात कधी परतणार जाणून घ्या....

नवी दिल्ली : मोहम्मद शमीबाब आता एक मोठी अपडेट समोर आली आहे. बीसीसीआयने शमीबाबत ही मोठी अपडेट देताना, तो मैदानात कधी परतणार आहे ही माहिती समोर आणली आहे.

मोहम्मद शमीने वनडे वर्ल्ड कप चांगलाच गाजवला होता. पण त्यानंतर तो एकही सामना खेळू शकला नाही. कारण त्यानंतर शमीला गंभीर दुखापत झाली होती. या दुखापतींवर उपचार घेण्यासाठी शमी हा लंडन येथे गेला होता. आता आयपीएल काही दिवसांवर येऊन ठेपली आहे. त्यानंतर वेस्ट इंडिज आणि अमेरिकेत टी-२० वर्ल्ड कप खेळवण्यात येणार आहे. पण शमी हा मैदानात नेमका कधी येणार, याबाबत आता बीसीसीआयने माहिती दिली आहे.

बीसीसीआयचे सचिव जय शाह यांनी यावेळी सांगितले की, " वनडे वर्ल्ड कपनंतर मोहम्मद शमीला दुखापत झाली होती. त्यामुळे त्याला आम्ही लंडन येथे उपचार घेण्यासाठी पाठवले होते. शमीवर लंडनमध्ये उपचार पूर्ण झाले आहेत आणि तो आता भारतामध्ये परतला आहे. पण आता शमीला उपचारांनंतर काही काळ विश्रांती घ्यावी लागणार आहे. शमीला ३-४ महिने विश्रांती घेण्याचा सल्ला देण्यात आला आहे. त्यानंतर तो आपल्याला मैदानात खेळताना दिसू शकतो."

शमीला आता ३-४ महिने विश्रांती घ्यायला सांगितले आहे. त्यामुळे तो आयपीएल खेळी शकत नाही, हे आता स्पष्ट झाले आहे. पण तो टी-२० वर्ल्ड कप खेळणार की नाही, याबाबत मात्र साशंकता व्यक्त करण्यात येत आहे. पण शमी बांगलादेशच्या मालिकेत नक्कीच मैदानात दिसू शकतो, असे म्हटले जात आहे. कारण शमी हा मॅचविनर खेळाडू आहे. सर्वांनी वनडे वर्ल्ड कपमध्ये या गोष्टीचा अनुभव सर्वांनीच घेतला आहे. त्यामुळे टी-२० वर्ल्ड कपमध्ये शमी खेळावा, अशी भारतीय चाहत्यांची नक्कीच इच्छा असेल. पण आता शमी कधी आणि कसा फिट होतो, हे पाहावे लागेल. त्यासाठी शमीला आता राष्ट्रीय क्रिकेट अकादमीमध्ये जावे लागणार आहे. तिथे त्याच्या दुखापतींचे पुनर्वसन करण्यात येईल.

शमी आता कधी फिट होतो, याकडे भारतीय चाहत्यांचे लक्ष लागलेले असेल.

2024-03-11T12:37:14Z dg43tfdfdgfd