मुंबई आणि चेन्नईच्या सामन्याला EL CLASICO का म्हणतात, जाणून घ्या खरं कारण आहे तरी काय

मुंबई : मुंबई इंडियन्स आणि चेन्नई सुपर किंग्स हे दोन्ही दिग्गज संघ आहेत. पण हे दोन्ही संघ जेव्हा आययपीएलमध्ये खेळायला येतात, तेव्हा त्या सामन्याला एका खास नावाने ओळखले जाते. मुंबई आणि चेन्नई यांच्यातील सामना हा El Clasico या नावाने ओळखला जातो. पण या सामन्याला असे खास नाव का देण्यात आले आहे, हे आता समोर आले आहे.

मुंबई इंडियन्स आणि चेन्नई या दोन्ही संघांनी आतार्यंत समान पाच जेतेपदं मिळवलेली आहेत. पण सर्वात महत्वाची गोष्ट म्हणजे ज्या कर्णधारांनी संघाला ही जेतेपदं मिळवून दिली ते दोघेही आता संघाचे नेतृत्व करत नाहीत. रोहित शर्माला मुंबईने कर्णधारपदावरून काढले तर महेंद्रसिंग धोनीने चेन्नईचे कर्णधारपद सोडले. पण तरीही दोन्ही संघांचा सामना म्हटला की, चाहत्यांसाठी ती एक पर्वणीच असते. कारण या सामन्यातील प्रत्येक क्षण महत्वाचा असते. त्याचबरोबर मुंबई आणि चेन्नईच्या सामन्याला एक खास नाव देण्यात आले आहे.

मुंबई आणि चेन्नईच्या सामन्याला El Clasico का म्हणतात, जाणून घ्या...

हा शब्द मूळात भारतातला नाही. पण तरीही तो मुंबई आणि चेन्नईच्या सामन्यासाठी वापरला जातो. El Clasico हा शब्द स्पॅनिश आहे. स्पॅनिश लीगमध्ये बार्सिलोना आणि रिअल माद्रिद हे दोन दिग्गज संघ आहेत आणि त्यांच्यामधील सामने चांगलेच चुरशीचे होत असतात. सर्वात महत्वाची गोष्ट म्हणजे या दोन्ही संघांचे फॅन्स फारच भरपूर आहेत आणि तशीच गोष्ट मुंबई इंडियन्स आणि चेन्नई सुपर किंग्स यांची आहे. जेव्हा बार्सिलोना आणि रिअल माद्रीद यांच्यात सामना होतो तेव्हा त्या लढतीला El Clasico असे म्हटले जाते. तसचे जेव्हा मुंबई इंडियन्स आणि चेन्नई सुपर किंग्स यांच्यामध्ये सामना होतो तेव्हा त्या लढतीला El Clasico असे म्हटले जाते. त्यामुळेच हा सामना प्रत्येक आयपीएलमधला खास ठरत असतो. त्यामुळे आता या सामन्यात कोणता संघ बाजी मारतो, याकडे सर्वांचे लक्ष लागलेले नक्कीच असेल.

मुंबई आणि चेन्नई हे दोन्ही दिग्गज संघ आहेत. त्यामुळे त्यांच्यातील सामन्याला हे खास नाव ठेवण्यात आले आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-14T13:15:21Z dg43tfdfdgfd